07:37am 16/5/2016
– വിനോദ് കൊണ്ടൂര്‍ ഡേവിഡ്.
ന്യൂയോര്‍ക്ക്: ലോക മലയാളികളുടെ പ്രിയപ്പെട്ട വാര്‍ത്താ ചാനലായ ഏഷ്യാനെറ്റ് ന്യൂസില്‍ എല്ലാ ഞായറാഴ്ച്ചയും വൈകിട്ട് 8 മണിക്കു (ഈ എസ് ടി/ന്യൂയോര്‍ക്ക്) സംപ്രേഷണം ചെയ്യുന്ന അമേരിക്കന്‍ കാഴ്ച്ചകളില്‍ ഈയാഴ്ച്ച, പ്രമുഖ പ്രവാസി സംഘടനയായ നാമത്തിന്റെ എക്‌സലന്‍സ് അവാര്‍ഡ് നൈറ്റ് ആണു പ്രക്ഷേപണം ചെയ്യുന്നത്. ന്യുജേഴ്‌സിയിലെ എഡിസനിലുള്ള റോയല്‍ ആല്‍ബെര്‍ട്ട്‌സ് പാലസില്‍ മാര്‍ച്ച് 19 വൈകുന്നേരം സംഘടിപ്പിച്ച വിപുലവും വര്‍ണ്ണാഭവുമായ ചടങ്ങില്‍ ഇന്ത്യന്‍ അമേരിക്കന്‍ സമൂഹത്തിലെ ഉന്നത വ്യക്തികളും, സംഘടനാ നേതാക്കളും, സാമൂഹ്യ സാംസ്കാരിക മാധ്യമ രംഗങ്ങളിലെ പ്രമുഖരും പങ്കെടുത്തു. മലയാളികളെയും ഉത്തരേന്ത്യന്‍ സമൂഹത്തെയും ഒരുമിച്ച് അണിനിരത്തിക്കൊണ്ട്, വിവിധ മേഖലകളില്‍ ഉന്നത വിജയം കൈവരിക്കുകയും സാമൂഹ്യ സേവനം നടത്തുകയും ചെയ്യുന്ന പ്രഗത്ഭരെ നാമം എക്‌സലന്‍സ് അവാര്‍ഡുകള്‍ നല്‍കി ആദരിക്കുന്ന ചടങ്ങിന്റെ പ്രത്യേക ഭാഗങ്ങളും സംപ്രേഷണം ചെയ്യും.
ഈ വര്‍ഷത്തെ അവാര്‍ഡുകള്‍ ലഭിച്ചവരുടെ കൂട്ടത്തില്‍, ഏഷ്യാനെറ്റ് യൂ എസ് എ യുടെ ചീഫ് എക്‌സിക്യുട്ടീവ് എഡിറ്ററും, അവതാരകനുമായ ഡോ: കൃഷ്ണ കിഷോറും ഉണ്ട്.
വിത്യസ്തങ്ങളായ അമേരിക്കാന്‍ വിഷേഷങ്ങളിമായി അമേരിക്കന്‍ കാഴ്ച്ചകള്‍ വീണ്ടും ലോകമലയളികളുടെ മുന്നില്‍ എത്തും.
കൂടുതല്‍ വിവരങ്ങള്‍ക്ക്: രാജു പള്ളത്ത് 7324299529