07:05pm 04/06/2016
കാലിഫോർണിയ: ശതാബ്ദി കോപ അമേരിക്ക ഫുട്ബാളിലെ ആദ്യ മത്സരത്തിൽ യു.എസിനെതിരെ കൊളംബിയക്ക് ജയം. ആതിഥേയരായ യു.എസിനെ കൊളംബിയ രണ്ട് ഗോളുകൾക്ക് തോൽപിച്ചു. ക്രിസ്റ്റ്യൻ സബാറ്റയും ജെയിംസ് റോഡ്രിഗസുമാണ് കൊളംബിയക്കുവേണ്ടി ഗോളുകൾ നേടിയത്. ആദ്യ പകുതിയിൽ തന്നെ കൊളംബിയയുടെ രണ്ട് ഗോളുകളും പിറന്നു.
തന്ത്രങ്ങളുടെ തമ്പുരാനായ ജോസ് പെക്കര്‍മാൻ പരിശീലിപ്പിക്കുന്ന കൊളംബിയ തുടക്കം മുതൽ മികച്ച പ്രകടനമാണ് പുറത്തെടുത്തത്. എട്ടാം മിനിട്ടിൽ ക്രിസ്റ്റ്യൻ സബാറ്റ വലന്‍സിയ കൊളംബിയയുടെ ആദ്യ ഗോള്‍ നേടി. സബാറ്റയുടെ ആദ്യ അന്താരാഷ്ട്ര ഗോളാണിത്. 37ാം മിനിട്ടിൽ യു.എസിെൻറ ഡെംപ്‌സിയും സര്‍ദേസും ചേർന്ന് മികച്ച മുന്നേറ്റം നടത്തിയെങ്കിലും പന്ത് ലക്ഷ്യത്തിലെത്തിക്കാൻ കഴിഞ്ഞില്ല.
ഡെംപ്‌സി ബോക്‌സിന് 30 വാര അകെലെ നിന്നും പോസ്റ്റിെൻറ ഇടതുമൂല ലക്ഷ്യമാക്കി അടിച്ച ഷോട്ട് നേരിയ വ്യത്യാസത്തില്‍ പുറത്തേക്ക് പോയി. ബോക്‌സിനുള്ളില്‍ യെദ്‌ലിെൻറ കൈയില്‍ പന്ത് തട്ടിയതോടെ റഫറി കൊളംബിയക്ക് പെനാല്‍റ്റി അനുവദിക്കുകയായിരുന്നു. കിക്ക് എടുത്ത റോഡ്രിഗസ് േഗാളി ബ്രാഡ് ഗുസാനെ കബളിപ്പിച്ച് പന്ത് വലയിലെത്തിച്ചു. 41 ാം മിനിട്ടിലായിരുന്നു െകാളംബിയയുടെ രണ്ടാം ഗോൾ.
ആദ്യ പകുതിയിൽ നിന്ന് വ്യത്യസ്തമായി രണ്ടാം പകുതിയിൽ യു.എസ് മികച്ച കളിയാണ് പുറത്തെടുത്തത്. യു.എസ് മുന്നേറ്റങ്ങൾ പലതും കൊളംബിയൻ പ്രതിരോധനിരയിലും േഗാളിയുടെ സേവുകളിലും അവസാനിച്ചു.