12:30 pm 9/12/2016
തിരുവനന്തപുരം: അന്വേഷണങ്ങള്‍ക്ക് വലിയ പ്രാധാന്യം നല്‍കുന്നത് ആരോപണ വിധേയരെ ക്രൂശിക്കാനെന്നു മുഖ്യമന്ത്രി പിണറായി വിജയന്‍. അഴിമതി വിരുദ്ധ ദിനാചരണത്തിന്റെ ഭാഗമായി തിരുവനന്തപുരത്ത് സംഘടിപ്പിച്ച ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി. അഴിമതിക്കെതിരേ നീക്കം നടത്തുന്നവര്‍ ഒരുതരത്തിലും ആശങ്കപ്പെടേണ്ടതില്ല, അവര്‍ക്കൊപ്പം സര്‍ക്കാരുണ്ടാകുമെന്നും മുഖ്യമന്ത്രി വ്യക്തമാക്കി.
പരാതി ലഭിച്ചാല്‍ സംശുദ്ധിയുള്ള ഉദ്യോഗസ്ഥര്‍ക്കും അന്വേഷണം നേരിടേണ്ടിവരും. ഇത് സാധാരണ നടപടിക്രമം മാത്രമാണ്. എന്നാല്‍ അന്വേഷണം ആരംഭിക്കുമ്ബോള്‍തന്നെ അതിന് അമിത പ്രാധാന്യം നല്‍കുന്നതു നല്ലതല്ല. ഇത് ആരോപണവിധേയരെ ക്രൂശിക്കുന്നതിനു തുല്യമാണ്.
വഴിയ അഴിമതിക്കഥകള്‍ മൂടിവയ്ക്കപ്പെടുന്നു.
ഇതിനെതിരേ കടുത്ത നടപടി ആവശ്യമാണ്. അഴിമതി ഇല്ലാത്ത ഭരണ നിര്‍വഹണത്തിലൂടെ മാത്രമേ സുസ്ഥിരവികനം നടപ്പാക്കാന്‍ കഴിയൂ. സീറോ ടോളറന്‍സ് ടു കറപ്ഷന്‍ എന്ന സര്‍ക്കാര്‍ നയത്തിന്റെ ഭാഗമായി ജനങ്ങളുടെ സ്വൈര്യ ജീവിതവും സര്‍ക്കാരിന്റെ സദ്ഭരണവും വിജിലന്‍സ് ഉറപ്പുവരുത്തണം. അഴിമതിക്കെതിരേ നീക്കം നടത്തുന്നവര്‍ ഒരുതരത്തിലും ആശങ്കപ്പെടേണ്ടതില്ല, അവര്‍ക്കൊപ്പം സര്‍ക്കാരുണ്ടാകും- മുഖ്യമന്ത്രി പറഞ്ഞു.
പുതിയ സര്‍ക്കാര്‍ അധികാരമേറ്റ് ആറുമാസം കൊണ്ട് അഴിമതി കുറയ്ക്കാനായെന്നു ചടങ്ങില്‍ പങ്കെടുത്ത വിജിലന്‍സ് ഡയറക്ടര്‍ ജേക്കബ് തോമസ് അവകാശപ്പെട്ടു.