01:10 pm 13/2/2017
തിരുവനന്തപുരം: ലോ അക്കാഡമിയിൽ ക്ലാസുകൾ ആരംഭിച്ചു. രാവിലെ 9.30 ഓടെയാണ് ക്ലാസുകൾ ആരംഭിച്ചത്. അഞ്ഞൂറോളം വിദ്യാർഥികൾ ക്ലാസുകളിൽ എത്തിയിട്ടുണ്ടെന്നാണ് ലഭിക്കുന്ന വിവരം.
ലോ അക്കാദമി സമരം സംബന്ധിച്ചു വിദ്യാർഥി യൂണിയനുകൾ ക്യാമ്പയിൻ സംഘടിപ്പിച്ചിട്ടുണ്ട്. സംഘർഷാവസ്ഥ തള്ളിക്കളയാനാകാത്തതിനാൽ സ്ഥലത്തു വൻ പോലീസ് സന്നാഹവും ക്യാമ്പ് ചെയ്യുന്നുണ്ട്.
രാവിലെ കാന്പസിലേക്ക് പ്രവേശിച്ച പെൺകുട്ടികൾ ഉൾപ്പടെയുള്ള വിദ്യാർഥികൾ ലക്ഷ്മി നായരുടെ രാജിയിൽ ആഹ്ലാദപ്രകടനം നടത്തി.