03:20 pm 30/12/2016
തിരുവനന്തപുരം: സന്തോഷ് ട്രോഫി ഫുട്ബോൾ മൽസരത്തിനുള്ള കേരള ടീമിനെ പ്രഖ്യാപിച്ചു. 20 അംഗ ടീമിനെയാണ് പ്രഖ്യാപിച്ചത്. 20പേരില്‍ 16പേര്‍ 23 വയസ്സിന് താഴെയുള്ളവരാണ്. പതിനൊന്നുപേര്‍ പുതുമുഖങ്ങളാണ്. എസ്.ബി.ടിയാണ് സ്പോൺസർ. ദക്ഷിണ മേഖലാ മത്സരങ്ങള്‍ ജനുവരി അഞ്ചുമുതല്‍ കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ നടക്കും. ഉദ്ഘാടന മത്സരത്തില്‍ കേരളം പുതുച്ചേരിയെയാണ് നേരിടുക. പ്രവേശനം സൗജന്യമായിരിക്കും.
ഉദ്ഘാടന മത്സരത്തിൽ കേരളം പുതുച്ചേരിയെ നേരിടും. കേരളം, കർണാടക, ആന്ധ്ര, പുതുച്ചേരി ടീമുകൾ എ ഗ്രൂപ്പിലും സർവീസസ്, തമിഴ്‌നാട്, തെലങ്കാന, ലക്ഷദ്വീപ് ടീമുകൾ ബി ഗ്രൂപ്പിലുമായാണു പ്രാഥമിക റൗണ്ട്.
കേരള ടീം
1. വി. മിഥുൻ (ഗോൾകീപ്പർ, കണ്ണൂർ)
2. ഹജ്മൽ (ഗോൾകീപ്പർ, പാലക്കാട്)
3. മെൽബിൻ.എസ് (ഗോൾകീപ്പർ, തിരുവനന്തപുരം)
4. നജീഷ്. എം (പ്രതിരോധം, കാസർകോട്)
5. ലിജോ.എസ് (പ്രതിരോധം, തിരുവനന്തപുരം)
6. രാഹുൽ.വി.രാജ് (പ്രതിരോധം, തൃശൂർ)
7. നൗഷാദ് (പ്രതിരോധം, കോട്ടയം)
8. ശ്രീരാഗ്.വി.ജി. (പ്രതിരോധം, തൃശൂർ)
9. ശീശൻ.എസ് (മധ്യനിര, തിരുവനന്തപുരം)
10. ഷിബിൻ ലാൽ വി.കെ. (മധ്യനിര, കോഴിക്കോട്)
11. മുഹമ്മദ് പറക്കോട്ടിൽ (മധ്യനിര, പാലക്കാട്)
12. ജിഷ്ണു ബാലകൃഷ്ണൻ (മധ്യനിര, മലപ്പുറം)
13. നെറ്റോ ബെന്നി (മധ്യനിര, ഇടുക്കി)
14. അനന്ദു മുരളി (മധ്യനിര, കോട്ടയം)
15. അഷറുദ്ദീൻ (മധ്യനിര, മലപ്പുറം)
16. ഉസ്മാൻ.പി (ക്യാപ്റ്റൻ) ( മുന്നേറ്റനിര, മലപ്പുറം)
17. ജോബി ജെസ്റ്റിൻ (മുന്നേറ്റനിര, തിരുവനന്തപുരം)
18. എൽദോസ് ജോർജ് (മുന്നേറ്റനിര, ഇടുക്കി)
19. ഫിറോസ് കളതിങ്കൽ (മുന്നേറ്റനിര, മലപ്പുറം)
20. സഹൽ അബ്ദുൽ സമദ് (മുന്നേറ്റനിര, കണ്ണൂർ)