07:56 am 11/4/2017
തിരുവനന്തപുരം: ജിഷ്ണു പ്രണോയിയുടെ അമ്മാവന്‍ ശ്രീജിത്തിനെ സിപിഎം പാര്‍ട്ടിയില്‍നിന്നു പുറത്താക്കി. പാര്‍ട്ടി വിരുദ്ധ പ്രവര്‍ത്തനങ്ങളുടെ പേരിലാണ് നടപടി. കോഴിക്കോട് വളയം വണ്ണാര്‍ക്കണ്ടി ബ്രാഞ്ച് അംഗവും ദേശാഭിമാനി ജീവനക്കാരനുമായിരുന്നു ശ്രീജിത്ത്. പാര്‍ട്ടിയുടെ ബ്രാഞ്ച്, ലോക്കല്‍, ഏരിയ കമ്മിറ്റികളുടെ പൂര്‍ണ പിന്തുണ സമരത്തിന് ഉണ്ടായിരുന്നുവെങ്കിലും ഇവരുടെകൂടി അംഗീകാരത്തോടെയാണ് നടപടി സ്വീകരിച്ചത് എന്നാണ് റിപ്പോര്‍ട്ട്.
അതേസമയം, പാര്‍ട്ടി നടപടി താന്‍ അറിഞ്ഞിട്ടില്ലെന്ന് ശ്രീജിത്ത് പ്രതികരിച്ചു. പുറത്താക്കുന്നതിനു മുന്പായി പാര്‍ട്ടി തന്നോടു വിശദീകരണം തേടിയിട്ടില്ലെന്നും ശ്രീജിത്ത് പറഞ്ഞു.
ജിഷ്ണുവിന്റെ മരണത്തിനുശേഷം കേസില്‍ പ്രതികളായവരെ പിടികൂടണമെന്നാവശ്യപ്പെട്ട് നടന്ന സമരത്തിന്റെ മുന്‍നിരയില്‍ ശ്രീജിത്തുണ്ടായിരുന്നു. ഡിജിപി ഓഫീസിനു മുന്നിലെ ജിഷ്ണുവിന്റെ അമ്മ മഹിജയുടെ സമരത്തിലുടെ തലസ്ഥാനത്തെ മണിക്കൂറുകളോളം മുന്‍മുനയില്‍ നിര്‍ത്തുകയും സര്‍ക്കാരിനെ തന്നെ പ്രതിരോധത്തിലാക്കുകയും ചെയ്ത സംഭവത്തിനു പിന്നിലും ശ്രീജിത്താണെന്നാണ് പാര്‍ട്ടി വിലയിരുത്തല്‍.