1:25pm 14/3/2016
ന്യൂഡല്ഹി: ഐ.എസ് വിഷയത്തില് രാജ്യ സഭയില് ബി.ജെ.പി എം.പിമാരുടെ ബഹളം. രാജ്യസഭ പ്രതിപക്ഷ നേതാവും കോണ്ഗ്രസ് എംപിയുമായ ഗുലാംനബി ആസാദ് ഐ.എസിനെ ആര്.എസ്.എസിനോട് ഉപമിച്ച് സംസാരിച്ച വിഷയത്തില് അദ്ദേഹം മാപ്പു പറയണമെന്നാവശ്യപ്പെട്ടാണ് ഭരണപക്ഷ ബി.ജെ.പി അംഗങ്ങള് സഭയില് പ്രതിഷേധിക്കുന്നത്. ജംഇയത് ഉലമയെ ഹിന്ദ് സംഘടിപ്പിച്ച പരിപാടിയിലാണ് ഗുലാംനബി ഐ.എസും ആര്.എസ്.എസ് നെയും സാമ്യപ്പെടുത്തി സംസാരിച്ചത്.
‘ഐ.എസ് പോലുള്ള തീവ്രവാദസംഘടനകളെ എതിര്ക്കുന്നതുപോലെ ആര്.എസ്.എസിനെയും എതിര്ക്കണം. ഐ.എസ് ഇസ്ലാമില്നിന്നും എത്ര തെറ്റായ കാര്യമാണോ ചെയ്യുന്നത് അതുപോലത്തെന്നെയാണ് ആര്.എസ്.എസും – ഇങ്ങനെയായിരുന്നു ആസാദ് പറഞ്ഞത്.