03.50 PM 02/12/2016
ജോയിച്ചന്‍ പുതുക്കുളം
ടൊറന്റോ: കാനഡയിലെ മലയാളി നഴ്‌സുമാരുടേയും കുടുംബാംഗങ്ങളുടേയും സുഹൃത്തുക്കളുടേയും കൂട്ടായ്മയായ കനേഡിയന്‍ മലയാളി നഴ്‌സസ് അസോസിയേഷന്‍ (സി.എം.എന്‍.എ) നടത്തിവരുന്ന സാമൂഹിക, ആരോഗ്യ, കലാ, സാംസ്‌കാരിക മേഖലകളിലെ പ്രവര്‍ത്തങ്ങള്‍ കാനഡയിലെ മലയാളി സമൂഹത്തിനും പുതുതായി എത്തിച്ചേരുന്നവര്‍ക്കും ഒരുപോലെ പ്രയോജനം ചെയ്യുന്നു.
ഇന്റര്‍നാഷണല്‍ സ്റ്റുഡന്റ്‌സിന്റെ പി.ആര്‍ അപേക്ഷ മാനദണ്ഡങ്ങളില്‍ ഇളവ് അനുവദിക്കണം എന്ന് അഭ്യര്‍ത്ഥിച്ചുകൊണ്ട് കനേഡിയന്‍ ഫെഡറല്‍ ഇമിഗ്രേഷന്‍ മിനിസ്റ്റര്‍ക്ക് കഴിഞ്ഞവര്‍ഷത്തെ സി.എം.എന്‍.എയുടെ ആനുവല്‍ ഡിന്നര്‍ നൈറ്റില്‍ വച്ചു സമര്‍പ്പിച്ച മെമ്മോറാണ്ടം ഫലം കണ്ടു തുടങ്ങിയതില്‍ സി.എം.എന്‍.എ ഭാരവാഹികള്‍ സന്തുഷ്ടരാണ്.
ഇക്കഴിഞ്ഞ സെപ്റ്റംബര്‍ മൂന്നാംതീയതി അവയവദാനത്തെ പ്രോത്സാഹിപ്പിക്കുന്നതിനുവേണ്ടി സംഘടിപ്പിച്ച ഓണാഘോഷം വന്‍ വിജയമായി. ‘ഒരുമിക്കാം ഒന്നാകാം കൈകോര്‍ക്കാം കൈത്താങ്ങായി’ എന്ന മുദ്രാവാക്യവുമായി മുന്നേറുന്ന അസോസിയേഷനില്‍ അനുദിനം നിരവധി ആളുകള്‍ അംഗങ്ങളായിക്കൊണ്ടിരിക്കുന്നു. പൊതു സമൂഹത്തിന് ആവശ്യമായ പല പദ്ധതികളും സി.എം.എന്‍.എ നടപ്പാക്കിവരുന്നു. ഡയബെറ്റിക് എഡ്യൂക്കേഷന്‍ സെഷന്‍, ഓര്‍ഗന്‍ ഡോണര്‍ ഇന്‍ഫര്‍മേഷന്‍ സെഷന്‍ എന്നിവ ഇതില്‍ ചിലതുമാത്രമാണ്.
WRAP it up Red this Christmas you have the Power to Giive Life Donate Blood this Hollday Seson and Joint the Movement to give life at a blood. ca Canedian Blood Service സഹകരിച്ച് മിസ്സിസാഗായിലെ ഹാര്‍ട്ട് ലാന്റ് ബ്ലഡ് ഡോണര്‍ ക്ലിനിക്കില്‍ വച്ചു (765 Britannia Rd West, Unit 2) ഡിസംബര്‍ പത്താംതീയതി ശനിയാഴ്ച രാവിലെ 9.30 മുതല്‍ 12. 30 വരെയാണ് ക്ലിനിക്ക്. ഇതിനോടകം നിരവധി ആളുകള്‍ ഡൊണേറ്റ് ചെയ്യുന്നതിനായി പേരുകള്‍ രജിസ്റ്റര്‍ ചെയ്തുകഴിഞ്ഞു. ഇനിയും പേരുകള്‍ രജിസ്റ്റര്‍ ചെയ്യാന്‍ ആഗ്രഹിക്കുന്നവര്‍ സി.എം.എന്‍.എയുടെ വെബ്‌സൈറ്റായ www.canedianmna.com-വഴി രജിസ്റ്റര്‍ ചെയ്യുക.
