09:10 am 12/12/2016
ചെന്നൈ: തമിഴ്നാട്ടിൽ സിനിമ തിയറ്ററിൽ ദേശിയഗാനം കേൾപ്പിക്കുമ്പോൾ സെൽഫിയെടുത്തവർക്കെതിരെ ചെന്നൈ പൊലീസ് കേസെടുത്തു. തിയറ്ററിൽ ദേശിയഗാനം നിർബന്ധമാക്കിയതിന് ശേഷമുള്ള രാജ്യത്തെ ആദ്യ കേസാണിത്.
ചെന്നൈ അശോക് നഗറിലെ കാശി തിയറ്ററിലാണ് സംഭവം. സിനിമ തുടങ്ങുന്നതിന് മുമ്പ് ദേശീയഗാനം കേൾപ്പിക്കുന്നതിനിടെ സ്ത്രീ ഉൾപ്പെടെയുള്ള ഏഴംഗ സംഘം െമാബൈലിൽ സെൽഫിയെടുക്കുകയായിരുന്നു.
ഇത് മറ്റൊരു സംഘം ചോദ്യം ചെയ്തതോടെ സംഘർഷമുണ്ടാവുകയും പൊലീസ് സ്ഥലത്തെത്തി ദേശീയഗാനത്തെ അപമാനിച്ചതിന് കേസെടുക്കുകയുമായിരുന്നു. നേരത്തെ രാജ്യത്തെ എല്ലാ സിനിമ തിയറ്ററിലും ദേശീയഗാനം നിർബന്ധമായി കേൾപ്പിക്കണമെന്നും എല്ലാവരും എഴുന്നേറ്റ് നിൽക്കണമെന്നും സുപ്രീംകോടതി വിധി പുറപ്പെടുവിച്ചിരുന്നു.