08:10 am 22/4/2017
ചിന്ദ്വാര: മധ്യപ്രദേശിലെ പൊതുവിതരണ സ്ഥാപനത്തിലുണ്ടായ തീപിടിത്തത്തിൽ 14 പേർ മരിച്ചു. ഹറായ് മേഖലയിലെ ബാർഗി ഗ്രാമത്തിലെ കടയിലാണ് തീപിടിത്തമുണ്ടായത്. സഹകരണ സൊസൈറ്റി കെട്ടിടം പൂർണമായും കത്തിനശിച്ചു. നാട്ടുകാർക്ക് വിതരണം ചെയ്യാൻ കൊണ്ടുവന്ന മണ്ണെണ്ണ വീപ്പയിലേക്ക് തീപടർന്നതാണ് ദുരന്തത്തിന് കാരണമായത്. സ്ഥാപനത്തിനുള്ളിൽ മുപ്പതോളം പേരുണ്ടായിരുന്നു. മൂന്നു പേർക്ക് ഗുരുതര പൊള്ളലേറ്റു. മരിച്ചവരുടെ കുടുംബത്തിന് നാല് ലക്ഷവും പരിക്കേറ്റവർക്ക് 50,000 രൂപയും സർക്കാർ നഷ്ടപരിഹാരം പ്രഖ്യാപിച്ചു. സംഭവത്തെക്കുറിച്ച് അന്വേഷണം ആരംഭിച്ചു.