03:55pm 3/2/2017
ബംഗളൂരു: ബംഗളൂരിനു സമീപം വെടിവെപ്പ് നടന്നതിനെ തുടർന്ന് സിറ്റിയിലും പരിസരത്തും പൊലീസ് അപായ സൂചന നൽകി. നഗര പ്രാന്ത പ്രദേശത്തു നടന്ന വെടിവെപ്പിൽ രണ്ടു പേർക്ക് പരിക്കേറ്റിരുന്നു.
ബൈക്കിലെത്തിയ രണ്ടു പേർ അഗ്രിക്കൾച്ചർ പ്രൊഡ്യൂസ് മാർക്കറ്റ് കമ്മറ്റി (എ.പി.എം.സി)മേധാവി കെ. ശ്രീനിവാസിെൻറ കാറിനു നേരെ വെടിവെക്കുകയായിരുന്നു. ട്രാഫിക് സിഗ്നലിൽ കാറിെൻറ വേഗത കുറഞ്ഞപ്പോഴാണ് വെടിവെപ്പ് നടന്നത്. വെടിവെപ്പിൽ ശ്രീനിവാസനും ഡ്രൈവർക്കും പരിക്കേറ്റു. ഇരുവരെയും ആശുപത്രിയിൽ പ്രവേശിപ്പിച്ചു.
കൊലപാതകമുൾപ്പെടെ ധാരാളം ക്രിമിനൽ കേസുകളിൽ പ്രതിയാണ് കെ. ശ്രീനിവാസൻ. 2013ൽ അറസ്റ്റിലായ ഇദ്ദേഹം പിന്നീട് ജാമ്യത്തിലിറങ്ങിയതായിരുന്നു.
കർഷകരുടെ ഉത്പന്നങ്ങൾക്ക് നല്ല വില ലഭിക്കുന്നതിനായി അവ ലേലത്തിൽ വിൽക്കാൻ സഹായിക്കുന്നതിന് സംസ്ഥാന സർക്കാർ രൂപീകരിച്ച കമ്മറ്റിയാണ് എ.പി.എം.സി.