10:10am 13/7/2016
കൊച്ചി: യാത്രക്കാരെ കാണാതിരുന്നതിനെ തുടര്ന്ന് കെ.എസ്.ആര്.ടി.സി ബസ് ഒരുമണിക്കൂറോളം എറണാകുളം സ്റ്റാന്ഡില് പിടിച്ചിട്ടു. തിരുവനന്തപുരത്തുനിന്ന് പഴനിക്ക് പോകുന്ന സൂപ്പര്ഫാസ്റ്റ് ബസാണ് രാത്രി ഒന്പത് മണിയോടെ എറണാകുളം സ്റ്റാന്റില് പിടിച്ചിട്ടത്. തിരുവന്തപുരത്തുനിന്ന് യാത്ര തുടങ്ങിയ ബസില് സീറ്റ് റിസര്വ് ചെയത് യാത്രചെയ്തയാള് ചേര്ത്തല സ്റ്റാന്ഡില് എത്തിയപ്പോള് ജീവനക്കാരോട് പറയാതെ ബസില് നിന്ന് പുറത്തേക്ക് പോയി. ഇതറിയാതെ ബസ് ചേര്ത്തലയില് നിന്ന് പുറപ്പെട്ടു. എറണാകുളത്ത് എത്തിയപ്പോഴാണ് കണ്ടക്ടര്ക്ക് ബസില് ഒരാള് കയറിയിട്ടില്ല എന്ന വിവരം മനസിലായത്. ഇതേതുടര്ന്ന് യാത്രക്കാരന് വരുന്നതിനായി ബസ് എറണാകുളെ സ്റ്റാന്റില് പിടിച്ചിട്ടു. ഇതോടെ ബസിലെ മറ്റ് യാത്രക്കാര് ബഹളമുണ്ടാക്കി പ്രതിഷേധിച്ചു. തുടര്ന്ന് ഇവര് സ്റ്റേഷന് മാസ്റ്ററുടെ അടുക്കല് എത്തി പരാതി നല്കി. യാത്രക്കാരുടെ പ്രതിഷേധം ശക്തമായതോടെ ചേര്ത്തലയില് ഇറങ്ങിയ യാത്രക്കാരനെ കാത്തുനില്ക്കുന്നത് ഒഴിവാക്കി 10.30ന്് ബസ് യാത്ര ആരംഭിച്ചു.