യു​വാ​വി​നെ മ​നു​ഷ്യ​ക​വ​ച​മാ​ക്കി ക​ല്ലേ​റു​കാ​രെ നേ​രി​ട്ട സൈ​നി​ക ന​ട​പ​ടി​യെ പി​ന്തു​ണ​ച്ച് അ​മി​ത് ഷാ

03:55 pm 27/5/2017

ന്യൂ​ഡ​ൽ​ഹി: കാ​ഷ്മീ​ർ താ​ഴ് വ​ര​യി​ൽ യു​വാ​വി​നെ മ​നു​ഷ്യ​ക​വ​ച​മാ​ക്കി ക​ല്ലേ​റു​കാ​രെ നേ​രി​ട്ട സൈ​നി​ക ന​ട​പ​ടി​യെ പി​ന്തു​ണ​ച്ച് ബി​ജെ​പി ദേ​ശീ​യ അ​ധ്യ​ക്ഷ​ൻ അ​മി​ത് ഷാ. ​തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​രെ​യും പോ​ലീ​സു​കാ​രെ​യും അ​പാ​യം കൂ​ടാ​തെ പു​റ​ത്തെ​ത്തി​ക്കാ​ൻ സൈ​നി​ക ന​ട​പ​ടി​ക്കു ക​ഴി​ഞ്ഞെ​ന്ന് മാ​ധ്യ​മ​പ്ര​വ​ർ​ത്ത​ക​രു​മാ​യി സം​സാ​രി​ക്ക​വെ അ​മി​ത് ഷാ ​വ്യ​ക്ത​മാ​ക്കി. ന​ട​പ​ടി​ക്കു നേ​തൃ​ത്വം ന​ൽ​കി​യ മേ​ജ​ർ ലീ​തു​ൾ ഗൊ​ഗോ​യി​യെ അ​ഭി​ന​ന്ദി​ക്കു​ന്ന​താ​യും അ​ദ്ദേ​ഹ​ത്തി​നു ബ​ഹു​മ​തി ന​ൽ​കി​യ​ത് സൈ​നി​ക മേ​ധാ​വി​യാ​ണെ​ന്നും ബി​ജെ​പി അ​ധ്യ​ക്ഷ​ൻ പ​റ​ഞ്ഞു.

ക​ല്ലേ​റു ന​ട​ത്തി​യ കാ​ഷ്മീ​രി യു​വാ​വി​നെ ജീ​പ്പി​ന്‍റെ ബോ​ണ​റ്റി​ൽ കെ​ട്ടി​വ​ച്ചു പ​ട്രോ​ളിം​ഗ് ന​ട​ത്താ​ൻ നി​ർ​ദേ​ശം ന​ൽ​കി​യ മേ​ജ​ർ ലീ​തു​ൾ ഗൊ​ഗോ​യി​ക്ക് സൈ​ന്യം ക​ലാ​പ​ത്തി​ന് എ​തി​രാ​യ മി​ക​ച്ച സേ​വ​ന​ത്തി​നു​ള്ള സൈ​നി​ക ബ​ഹു​മ​തി ന​ൽ​കി ആ​ദ​രി​ച്ചി​രു​ന്നു. ക​ലാ​പ​കാ​രി​ക​ളു​ടെ ക​ല്ലേ​റു ത​ട​യാ​ൻ അ​വ​രു​ടെ കൂ​ട്ട​ത്തി​ൽ​നി​ന്ന് ഒ​രാ​ളെ പി​ടി​കൂ​ടി ജീ​പ്പി​ന്‍റെ ബോ​ണ​റ്റി​ൽ കെ​ട്ടി​വ​യ്ക്കു​ക​യാ​യി​രു​ന്നെ​ന്നാ​ണ് സൈ​ന്യം വാ​ദി​ക്കു​ന്ന​ത്. ഏ​പ്രി​ൽ ഒ​ൻ​പ​തി​ന് ശ്രീ​ന​ഗ​ർ ഉ​പ​തെ​ര​ഞ്ഞെ​ടു​പ്പ് സ​മ​യ​ത്താ​യി​രു​ന്നു സം​ഭ​വം. യു​വാ​വി​നെ ജീ​പ്പി​ന്‍റെ ബോ​ണ​റ്റി​ൽ കെ​ട്ടി​യി​ട്ട സം​ഭ​വ​ത്തി​ൽ അ​ന്വേ​ഷ​ണം തു​ട​രു​ന്ന ഘ​ട്ട​ത്തി​ലാ​ണ് ഗൊ​ഗോ​യി​യെ സൈ​നി​ക ബ​ഹു​മ​തി​യും തേ​ടി​യെ​ത്തു​ന്ന​ത്.

യു​വാ​വി​നെ ജീ​പ്പി​ന്‍റെ ബോ​ണ​റ്റി​ൽ കെ​ട്ടി​യി​ട്ട് റോ​ന്തു​ചു​റ്റി​യ സൈ​നി​ക ന​ട​പ​ടി​യെ ന്യാ​യീ​ക​രി​ച്ച് പ്ര​തി​രോ​ധ​മ​ന്ത്രി അ​രു​ണ്‍ ജ​യ്റ്റ്ലി​യും രം​ഗ​ത്തെ​ത്തി​യി​രു​ന്നു.