05:45 pm 19/1/2017
കട്ടക്: ഇംഗ്ലണ്ടിന് എതിരായ രണ്ടാം എകദിനത്തിൽ ഇന്ത്യക്ക് മോശം തുടക്കം. ബാറ്റിങ്ങിനിറങ്ങിയ ഇന്ത്യക്ക് 25 റൺസ് എടുക്കുന്നതിനിടയിൽ മൂന്ന് വിക്കറ്റുകൾ നഷ്ടപ്പെട്ടു. അഞ്ച് റൺസെടുത്ത ലോകേഷ് രാഹുലും എട്ട് റൺസെടുത്ത വിരാട് കോലിയും ശിഖർ ധവാനും പുറത്തായി. ക്രിസ് വോക്സാണ് മൂന്ന് വിക്കറ്റും വീഴ്ത്തിയത്. ഒടുവിൽ വിവരം ലഭിക്കുേമ്പാൾ 13 ഒാവറിൽ 62ന് മൂന്ന് എന്ന നിലയിലാണ് ഇന്ത്യ.
രണ്ടാമത്തെ ഒാവറിലാണ് ക്രിസ് വോക്സ് ഇന്ത്യക്ക് ആദ്യ പ്രഹരമേൽപ്പിച്ചത്. രാഹുലും കോലിയും രണ്ടാം ഒാവറിൽ പുറത്തായി. നാലാം ഒാവറിൽ ശിഖർ ധവാൻ കൂടി പുറത്തായതോടെ ഇന്ത്യയുടെ നില പരുങ്ങലിലാകുകയായിരുന്നു.
നേരത്തെ ടോസ് നേടിയ ഇംഗ്ലണ്ട് ഇന്ത്യയെ ബാറ്റിങിനയക്കുകയായിരുന്നു. ആദ്യ എകദിനം മൂന്ന് വിക്കറ്റിന് ജയിച്ച് ഇന്ത്യ പരമ്പരയിൽ 1-0ത്തിന് മുന്നിലാണ്.