10:20 am 21/2/2017
ശ്രീനഗർ: ജമ്മു കാഷ്മീരിലെ രാജൗരി ജില്ലയിൽ സുരക്ഷാ സേനയും തീവ്രവാദികളും തമ്മിലുണ്ടായ ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടു. രണ്ടു തീവ്രവാദികൾ രക്ഷപ്പെട്ടു. ചൊവ്വാഴ്ച പുലർച്ചെ കെറി സെക്ടറിലാണ് സംഭവം.
പ്രദേശത്ത് തീവ്രവാദികളുടെ സാന്നിധ്യമുണ്ടെന്ന വിവരത്തെത്തുടർന്നു സുരക്ഷ സേന വളയുകയായിരുന്നു. തെരച്ചിൽ നടത്തുന്നതിനിടെ ഒളിച്ചിരിക്കുകയായിരുന്ന തീവ്രവാദികൾ സേനയ്ക്ക് നേരെ വെടിയുതിർക്കുകയായിരുന്നു. സേനയും ശക്തമായി തിരിച്ചടിച്ചതോടെ രണ്ടു തീവ്രവാദികൾ ഓടി രക്ഷപ്പെട്ടു.
തീവ്രവാദികൾക്കെതിരെയുള്ള ഏറ്റുമുട്ടൽ ഒരു മണിക്കൂറോളം നീണ്ടതായാണ് റിപ്പോർട്ട്. കൊല്ലപ്പെട്ട തീവ്രവാദിയുടെ പക്കൽ നിന്ന് എകെ47 തോക്ക് സാധനങ്ങളും പിടിച്ചെടുത്തിട്ടുണ്ട്.