08:00 am 4/3/2017
– പി.പി. ചെറിയാന്‍
വാഷിങ്ടന്‍ : ടെക്‌സസ് മുന്‍ ഗവര്‍ണറും റിപ്പബ്ലിക്കന്‍ പാര്‍ട്ടി പ്രസിഡന്റ് സ്ഥാനാര്‍ത്ഥികളില്‍ ഒരാളുമായിരുന്ന റിക് പെറിക്ക് ഊര്‍ജ വകുപ്പ് സെക്രട്ടറിയായി യുഎന്‍ കോണ്‍ഗ്രസിന്റെ അംഗീകാരം ലഭിച്ചു. മാര്‍ച്ച് 2 വ്യാഴാഴ്ച വൈകിട്ട് വൈസ് പ്രസിഡന്റ് മൈക്ക് പെന്‍സിന്റെ മുമ്പാകെ സത്യപ്രതിജ്ഞ ചെയ്തു പെറി അധികാരം ഏറ്റെടുത്തു.
ക്ലൈമറ്റ് ചെയ്ഞ്ചിനെക്കുറിച്ച് ട്രംപിന്റെ നിലപാടിനോട് പെറി എങ്ങനെ പ്രതികരിക്കുമെന്നാണ് രാഷ്ട്രീയ നിരീക്ഷകര്‍ ഉറ്റു നോക്കുന്നത്. ടെക്‌സസ് ഗവര്‍ണര്‍ ആയിരിക്കുമ്പോള്‍ ഓയില്‍ ആന്റ് ഗ്യാസ് ഇന്‍ഡസ്ട്രിയില്‍ റിക് കാണിച്ച താല്പര്യമാണ് ഊര്‍ജ വകുപ്പ് സെക്രട്ടറിയായി നിയമിക്കാന്‍ ട്രംപിനെ പ്രേരിപ്പിച്ചത്.
ടെക്‌സസില്‍ നിന്നും ട്രംപിന്റെ ക്യാബിനറ്റില്‍ പ്രവേശനം ലഭിക്കുന്ന രണ്ടാമനാണ് റിക് പെറി. ഇതിനു മുമ്പ് എക്‌സോണ്‍ മൊബില്‍ സിഇഒ ക്ലൈ ടിച്ചേഴ്‌സണ്‍ സെക്രട്ടറി ഓഫ് സ്റ്റേറ്റിന്റെ ചുമതല ലഭിച്ചിരുന്നു. റിപ്പബ്ലിക്കന്‍ കോട്ടയായി അറിയപ്പെടുന്ന ടെക്‌സസില്‍ നിന്നും ട്രംപ് വന്‍ വിജയമാണ് തിരഞ്ഞെടുപ്പില്‍ നേടിയത്. പ്രസിഡന്റ് സ്ഥാനാര്‍ത്ഥിയായി റിക് പെറി ട്രംപിനെതിരെ രംഗത്തെത്തിയെങ്കിലും പിന്നീട് പിന്മാറി ട്രംപിന് പിന്തുണ പ്രഖ്യാപിക്കുകയായി