10:51 am 27/1/2017
– പി.പി. ചെറിയാന്‍
വാഷിംഗ്ടണ്‍: ഷിക്കാഗോ സിറ്റിയില്‍ വര്‍ധിച്ചു വരുന്ന കൊലപാതകങ്ങളും അക്രമ സംഭവങ്ങളും അമര്‍ച്ച ചെയ്യുന്നതിന് ആവശ്യമെങ്കില്‍ ഫെഡറല്‍ ലൊ എന്‍ഫോഴ്‌സ്‌മെന്റിനെ അയയ്ക്കുമെന്ന് പ്രസിഡന്റ് ട്രംപ് ഷിക്കാഗൊ മേയര്‍ക്ക് മുന്നറിയിപ്പ് നല്‍കി.
2017 ആരംഭിച്ചതിനുശേഷം ഷിക്കാഗൊ സിറ്റിയില്‍ മാത്രം 42 കൊലപാതകങ്ങളും 228 വെടിവെപ്പു സംഭവങ്ങളും ഉണ്ടായതായി ജനുവരി 24 ചൊവ്വാഴ്ച ട്രംപിന്റെ ട്വിറ്റര്‍ സന്ദേശത്തില്‍ ചൂണ്ടിക്കാട്ടി.
ഷിക്കാഗോ മേയര്‍ റഹം ഇമ്മാനുവേല്‍ തനിക്കെതിരെ തുടര്‍ച്ചയായ ആരോപണങ്ങള്‍ ഉന്നയിക്കുന്നതിനുപകരം സ്വന്തം സിറ്റിയില്‍ നടക്കുന്ന അക്രമങ്ങളെ അമര്‍ച്ച ചെയ്യുന്നതിനുള്ള നടപടികള്‍ സ്വീകരിക്കണമെന്ന് ട്രംപ് ആവശ്യപ്പെട്ടു. അമേരിക്കയിലെ ഏറ്റവും വലിയ മൂന്നാമത്തെ സിറ്റിയും ഒബാമയുടെ ജന്മസ്ഥലവുമായ ഷിക്കാഗോയിലെ പൗരന്മാര്‍ക്ക് സുരക്ഷിതത്വം നല്‍കുവാന്‍ മേയര്‍ പരാജയപ്പെടുകയാണെങ്കില്‍ ഫെഡറല്‍ സഹായം ആവശ്യപ്പെടണമെന്ന് ട്രംപ് പറയുന്നു. ട്രംപിന്റെ ട്വിറ്റര്‍ സന്ദേശത്തിനു മറിപടിയായി ഫെഡറല്‍ സഹായം ലഭിക്കുന്നതു സ്വാഗതാര്‍ഹമാണെന്ന് മേയര്‍ പറഞ്ഞു.