09:13 am 12/3/2017
ഷൂട്ടിങ് പുരോഗമിച്ചു കൊണ്ടിരുന്ന പുതിയ ചിത്രം ജഗ്ഗാ ജസ്സൂസ്സിന്റെ സെറ്റില്‍ നടി കത്രീന കൈഫിന് ഗുരുതര പരിക്ക്. ഭാരമേറിയ വസ്തു കഴുത്തില്‍ വീണതിനെത്തുടര്‍ന്ന് നടിയുടെ കഴുത്തിനും മുതുകിനും സാരമായ പരിക്കേറ്റിട്ടുണ്ടെന്ന് ആശുപത്രി അധികൃതര്‍ പറഞ്ഞു.
അനുരാഗ് ബസ്സു സംവിധാനം ചെയ്യുന്ന ജഗ്ഗാ ജസ്സൂസ്സ് അവസാന ഘട്ടത്തിലായിരുന്നു. പരിക്ക് സാരമായതിനാല്‍ രണ്ടാഴ്ചയോളം നടിക്ക് പൂര്‍ണ്ണ വിശ്രമം നിര്‍ദ്ദേശിച്ചിരിക്കുകയാണ്. പിന്നീടും ഡോക്ടര്‍മാരുടെ നിര്‍ദ്ദേശം ലഭിച്ച ശേഷം മാത്രമേ താരത്തിന് ഷൂട്ടിങിനെത്താന്‍ സാധിക്കൂ.
പ്രണയ ബന്ധം വേര്‍പിരിഞ്ഞ ശേഷം രണ്‍ബീര്‍ കപൂറും കത്രീനയും ഒന്നിക്കുന്ന ചിത്രം കൂടിയാണ് ജഗ്ഗാ ജസ്സൂസ്സ്. ഇതിനു ശേഷം ഉടന്‍ സല്‍മാന്‍ ഖാന്റെ ‘ടൈഗര്‍ സിന്ദാ ഹൈ’യില്‍ ചേരാനിരിക്കുകയായിരുന്നു കത്രീന.