09:15 am 19/9/2016
– വിജു വര്ഗീസ്
ഹൂസ്റ്റണ്: സെന്റ് തോമസ് സി.എസ്.ഐ ചര്ച്ച് ഓഫ് ഗ്രറ്റര് ഹൂസ്റ്റണ് പുതുതായി പണികഴിപ്പിക്കുന്ന ദേവാലയത്തിന്റെ തറക്കല്ലിടല് കര്മ്മം സി എസ് ഐ സഭയുടെ ഡപ്യൂട്ടി മോഡറേറ്ററും മദ്ധ്യകേരള മഹായിടവക ബിഷപ്പുമായ ബിഷപ്പ് തോമസ് കെ ഉമ്മന് നിര്വഹിച്ചു.
സെപ്റ്റബര് 11 ന് ഞായറാഴ്ച വൈകുന്നേരം 6 മണിക്ക് ഇടവക ചിമ്മിനി റോക്കില് (16520 Chimney Rock Rd, Houston) സ്വന്തമായി വാങ്ങിയ സ്ഥലത്താണ് ഭക്തിനിര്ഭരമായ ശിലാസ്ഥാപന ശുശ്രൂഷ നടന്നത്.
ശുശ്രൂഷയ്ക്ക് അഭിവന്ദ്യ തിരുമേനി മുഖ്യകാര്മ്മികത്വം വഹിച്ചു. ഇടവക വികാരി റവ. അല്ഫാ
വര്ഗീസ് ജോസഫ് സഹകാര്മ്മികത്വം വഹിച്ചു. ഇടവകജനങ്ങളോടെപ്പം റവ. മാത്യൂസ് ഫിലിപ്പ് (ട്രിനിറ്റി മാര്ത്തോമ്മാ ഇടവക വികാരി), റവ. ജോണ്സന് ഉണ്ണിത്താന് (ഇമ്മാനുവല് മാര്ത്തോമ്മാ ഇടവക വികാരി), റവ. ഡോ. ഇട്ടി മാത്യു (സി.എസ്.ഐ ചര്ച്ച്, ഡിട്രോയിറ്റ്) എന്നിവരും സന്നിഹിതരായിരുന്നു. അജി നൈനാന് വേദപുസ്തക വായനയും ശേഷം ഇടവക വൈസ് പ്രസിഡന്റ് കുര്യന് ടി. ജേക്കബ് ഇടവകയുടെ സംക്ഷിപ്ത ചരിത്രം അവതരിപ്പിച്ചു. തുടര്ന്ന് ബിഷപ്പ് തോമസ് കെ. ഉമ്മര് അനുഗ്രഹ പ്രഭാഷണം നടത്തി.
ഇതുവരെ കരുതിയ വലിയ ദൈവത്തിന്റെ കൃപയുടെ തണലില് താണിരിപ്പാനും, ദൈവകൃപയുടെ നന്ദി രേഖപ്പെടുത്തി ജീവിക്കുവാനും കഴിയണമെന്ന് തിരുമേനി ഉദ്ബോധിപ്പിച്ചു. സ്വന്തമായി ഇടവകയ്ക്ക് വിസ്തൃതമായ ഈ സ്ഥലം വാങ്ങിക്കുവാന് സഹായിച്ച ദൈവം മനോഹരമായ ഒരു ദേവാലയം എത്രയും പെട്ടെന്ന് പണിത് പൂര്ത്തീകരിച്ച് തരുവാന് സഹായിക്കട്ടെയെന്ന് പ്രാര്ത്ഥിച്ച് എല്ലാവിധ ഭാവുകങ്ങളും
തിരുമേനി ആശംസിച്ചു.
1988 നവമ്പര് 18 ന് സെന്റ് തോമസ് സി എസ് ഐ ദേവാലയം ആരംഭിക്കുകയും. 1991 ഒരു ആരാധ
നാലയം വാങ്ങുകയും ചെയ്തു ഇപ്പോള് ആരാധിച്ചുകൊണ്ടിക്കിരിക്കുന്ന ദേവാലയത്തിന്റെ സ്ഥലപരിമിതി
മൂലം ദീര്ഘനാളുകളായുള്ള ജനങ്ങളുടെ ആഗ്രഹ സഫലീകരണമാണ് ഈ ദേവാലയ നിര്മ്മിതിയിലൂടെ സാദ്ധ്യമാകുന്നത്. ഇടവകയില് 100 പരം അംഗങ്ങളാണ് ഉള്ളത്.
ബില്ഡിംഗ് കമ്മറ്റി കോര്ഡിനേറ്റര് മേരി ജെ. എബ്രഹാം പ്രസ്താവന നടത്തി. ഇടവകയുടെ അംഗം കൂടിയായ സ്റ്റാന്ലി മാണി (എംഐഎച്ച് റിയാലിറ്റി) യാണ് മനോഹരമായ ഈ സ്ഥലം വാങ്ങുന്നതിന് ഇടവകയെ സഹായിച്ചത്. ഇടവക സെക്രട്ടറി ഡേവിഡ് മാമ്മന് നന്ദി അറിയിച്ചു.
റവ. അല്ഫാ വര്ഗീസ് (വികാരി) കൂര്യന് തമ്പി ജേക്കബ് (വൈസ് പ്രസിഡന്റ്), ഡേവിഡ് മാമ്മന് (സെക്രട്ടറി), മേരി എബ്രഹാം (ട്രഷറര്), അജി നൈനാന്, ജോസഫ് ജോണ്, ജോണ് വര്ഗീസ്, സാജന് കോശി, റെനി നൈനാന്, ബ്രയാന് ടി മാത്യൂ (കമ്മറ്റി അംഗങ്ങള്) എന്നിവരാണ് ഇപ്പോഴത്തെ ഇടവക
ഭാരവാഹികള്. വിജു വര്ഗീസ് അറിയിച്ചതാണിത്.