07:12 am 19/6/2017
ചിറ്റൂര്: തത്തമംഗലത്ത് 85 കാരിയെ പീഡിപ്പിച്ച കേസില് തമിഴ്നാട് സ്വദേശി പിടിയില്. തമിഴ്നാട് മധുരൈ സ്വദേശി പാല്പാണ്ഡ്യന് (41) ആണ് പിടിയിലായത്. ഒറ്റക്ക് താമസിക്കുന്ന വയോധികയുടെ വീട്ടില് വാടകക്ക് താമസിക്കുകയായിരുന്നു പാല്പാണ്ഡ്യനും കുടുംബവും. കഴിഞ്ഞ ഏഴിന് പ്രതിയുടെ ഭാര്യയും മകളും നാട്ടിലേക്ക് പോയ സമയം പ്രതി വീട്ടുടമയായ 85 കാരിയെ പീഡിപ്പിച്ചു എന്നാണ് പരാതി.
കോയമ്പത്തൂരിലുള്ള മകള് ഫോണ് വിളിച്ചിട്ടും കിട്ടാത്തതിനാല് വീട്ടിലെത്തിയപ്പോള് അബോധാവസ്ഥയിലായിരുന്ന അമ്മയെ കോയമ്പത്തൂര് ആശുപത്രിയില് പ്രവേശിപ്പിക്കുകയായിരുന്നു. അവിടെവെച്ചാണ് പീഡന വിവരം മകളോട് പറഞ്ഞതെന്ന് പൊലീസ് പറഞ്ഞു. മകളുടെ പരാതിയിലാണ് കേസെടുത്തത്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.