08:37 pm 8/2/2017
തിരുവനന്തപുരം: സംസ്ഥാന നിയമസഭയുടെ ബജറ്റ് സമ്മേളനം ഈ മാസം 23ന് ആരംഭിക്കും. ഇതു സംബന്ധിച്ച നിർദേശം മന്ത്രിസഭ അംഗീകരിക്കുകയും ഗവർണറോടു ശിപാർശ ചെയ്യാൻ തീരുമാനിക്കുകയും ചെയ്തു. നേരത്തെ ഏപ്രിൽ വരെ നിയമസഭാ സമ്മേളനം ചേരാനായിരുന്നു ധാരണ.
23നു രാവിലെ ഒൻപതിനു ഗവർണറുടെ നയപ്രഖ്യാപന പ്രസംഗത്തോടെയാകും ബജറ്റ് സമ്മേളനം ആരംഭിക്കുക. 27നും 28നും നയപ്രഖ്യാപന പ്രസംഗത്തിൻമേലുള്ള ചർച്ച നടക്കും. ബജറ്റ് മാർച്ച് മൂന്നിന് അവതരിപ്പിക്കും.
നയ പ്രഖ്യാപന പ്രസംഗത്തിനു സമിതി അന്തിമ രൂപം നൽകിയ ശേഷം 15നു ചേരുന്ന മന്ത്രിസഭാ യോഗത്തിൽ അംഗീകാരം നൽകും. മാർച്ച് 16നു നിയമസഭാ സമ്മേളനം സമാപിക്കും.