ക്വിറ്റോ: ഇക്വഡോറില് ഇസ്രായേല് നിര്മിത സൈനിക വിമാനം തകര്ന്ന് വീണ് 22 പേര് മരിച്ചു. പാരച്യൂട്ട് പരിശീലനം നടത്തിയവരാണ് അപകടത്തില്പെട്ടത്. 19 സൈനികരും രണ്ടു പൈലറ്റുമാരും ഒരു മെക്കാനിക്കുമാണ് വിമാനത്തിലുണ്ടായിരുന്നത്്.
പ്രാദേശിക സമയം ഉച്ചക്ക് 2.30ന് ഇക്വഡോറിലെ പസ്താസയിലാണ് സംഭവം. അപകടം കാരണം ഇതുവരെ അറിവായിട്ടില്ല. ഇക്വഡോര് പ്രസിഡന്റ് റഫേല് കോറിയ വാര്ത്ത സ്ഥിരീകരിച്ചിട്ടുണ്ട്.