07:37 pm 10/3/2017
– വിനോദ് കൊണ്ടൂര്‍ ഡേവിഡ്
ഷിക്കാഗോ: ആഗോള മലയാളി സമൂഹം ഉറ്റുനോക്കുന്ന 2018 ലെ ഫോമാ ഷിക്കാഗോ കണ്‍വന്‍ഷനോടനുബന്ധിച്ച് നടക്കുന്ന യുവജനോത്സവത്തിനു മുന്നോടിയായി റീജണല്‍ തലത്തില്‍ നടക്കേണ്ട യൂത്ത് ഫെസ്റ്റിവല്‍ ഒരുക്കങ്ങള്‍ പൂര്‍ത്തിയായി. ഫോമായുടെ 12 റീജനുകളിലായി ഈ വര്‍ഷം നടക്കുന്ന യൂത്ത് ഫെസ്റ്റിവലുകളിലെ വിജയികളാണ് 2018 ലെ അന്തിമ മാമാങ്കത്തില്‍ ഷിക്കാഗോയില്‍ മാറ്റുരയ്ക്കുക. മത്സരാര്‍ത്ഥികളെ പ്രായത്തിന്റെ അടിസ്ഥാനത്തില്‍ 5 ഗ്രൂപ്പുകളായാണ് തിരിച്ചരിക്കുന്നത്.
A: 5-8, B: 9-12, C:13-16, D:17-25, 26 വയസ്സും അതിനു മുകളിലും പ്രായമുള്ളവര്‍ക്ക് E വിഭാഗത്തില്‍ മത്സരിക്കാവുന്നതാണ്. ഏറ്റവും മികവു പുലര്‍ത്തുന്ന കലാകാരനും കലാകരിക്കും നല്‍കപ്പെടുന്ന കലാപ്രതിഭ, കലാതിലകം എന്നീ അവര്‍ഡുകള്‍ക്ക് പരിഗണിക്കപ്പെടുന്നത് 13 മുതല്‍ 25 വരെയുള്ള പ്രായമായ വിഭാഗക്കാരെയാണ്.
യൂത്ത് ഫെസ്റ്റിവല്‍ മത്സരങ്ങളുടെ മാനദണ്ഡങ്ങള്‍ ഉള്‍പ്പെടുന്ന പ്രത്യേക നിയമാവലി ഫോമായുടെ റീജണല്‍ ഭാരവാഹികളുടെയും അംഗ സംഘടനകളുടെയും പക്കല്‍നിന്നു ലഭ്യമാണ്.
വ്യക്തിഗത ഇനങ്ങളില്‍ സ്ത്രീകള്‍ക്കും പുരുഷന്മാര്‍ക്കും പ്രത്യേക മത്സരങ്ങള്‍ ലളിതഗാനം, ഇന്ത്യന്‍ ക്ലാസിക്കല്‍ സംഗീതം, ക്ലാസിക്കല്‍ നൃത്തം (ഭരതനാട്യം, മോഹിനിയാട്ടം, കുച്ചിപ്പുടി), ഏകാംഗ നൃത്തം(സിനിമാറ്റിക്, നാടോടി നൃത്തം), തന്ത്രിവാദ്യം, വൃന്ദവാദ്യം പ്രസംഗം(മലയാളം), പ്രസംഗം (ഇംഗ്ലീഷ്) ക്രിയേറ്റീവ് പെര്‍ഫോമന്‍സ്(മിമിക്രി, മോണോ ആക്ട്, സ്റ്റാന്റ് അപ് കോമഡി) എന്നിവയാണ്.
ഗ്രൂപ്പ് ഇനങ്ങളില്‍ നോണ്‍ക്ലാസിക്കല്‍ സമൂഹഗാനം, ക്ലാസിക്കല്‍ നൃത്തം (ഭരതനാട്യം, കുച്ചിപ്പുഡി, മോഹിനിയാട്ടം), നോണ്‍ക്ലാസിക്കല്‍ നൃത്തം(സിനിമാറ്റിക്, നാടോടി നൃത്തം) തിരുവാതിര, ഒപ്പന, മാര്‍ഗംകളി എന്നിവ ഉള്‍പ്പെടുത്തിയിരിക്കുന്നു.
26 വയസിനു മുകളില്‍ പ്രായമുള്ളവര്‍ക്കായി We Got Talent എന്ന പേരില്‍ അവരുടെ കലാനൈപുണ്യം സ്വതന്ത്രമായി പ്രകടിപ്പിക്കത്തക്ക വിധത്തില്‍ പ്രത്യേക മത്സരഇനവും ക്രമീകരിച്ചിരിക്കുന്നു.
സാബു സ്കറിയ(ചെയര്‍മാന്‍), ജോമോന്‍ കളപ്പുരയ്ക്കല്‍(കോര്‍ഡിനേറ്റര്‍), രേഖാ ഫിലിപ്പ്, ജെയിന്‍ മാത്യു കണ്ണച്ചന്‍പറമ്പില്‍, ജോസ്‌മോന്‍ തട്ടാംകുളം, സിറിയക് കുര്യന്‍, സണ്ണി കല്ലൂപ്പാറ, രേഖാ നായര്‍, ഷീലാ ജോസ്, മാത്യു വര്‍ഗീസ്(ബിജു), സാജു ജോസഫ്, തോമസ് മാത്യു എന്നിവരടങ്ങിയ ഫോമാ കള്‍ച്ചറല്‍ ഫോറം യൂത്ത് ഫെസ്റ്റിവലിന്റെ സമ്പൂര്‍ണ്ണ വിജയത്തിനായി അത്യദ്ധ്വാനം ചെയ്തു വരുന്നു.
കൂടുതല്‍ വിവരങ്ങള്‍ക്ക്: സാബു സ്കറിയ : 267 980 7923 sackeriy1@yahoo.com
ജോജോ കോട്ടൂര്‍ ഫോമാ ന്യൂസ് ടീം.