09:04 am 26/4/2017
– ബിജു കൊട്ടാരക്കര
അമേരിക്കയിലെ ആദ്യകാല സംഘടനകളില്‍ ഒന്നായ ഇന്ത്യാ കാത്തലിക് അസോസിയേഷന്‍ ഓഫ് അമേരിക്കയുടെ (കഇഅഅ) ഈസ്റ്റര്‍ ആഘോഷങ്ങള്‍ ഈ ശനിയാഴ്ച്ച വൈകിട്ട് ന്യൂ യോര്‍ക്ക് വൈറ്റ് പ്ലൈന്‍സിലുള്ള റോയല്‍ പാലസില്‍ (Royal Palace 77 Knollwood Rd, White Plains, NY 10607, April 29th 2017, 5.30 PM to 9.30 PM.) വച്ച് സമുചിതമായി ആഘോഷിക്കുമെന്നു പ്രസിഡന്റ് ജോണ്‍ കെ ജോര്‍ജ് സെക്രട്ടറി ലിജോ ജോണ്‍ എന്നിവര്‍ അറിയിച്ചു.
ലോകത്തിനു നനയുടെ പ്രകാശം ഉയര്‍ത്തെഴുനേല്‍പ്പിലൂടെ കാണിച്ചു നല്‍കിയ ദൈവപുത്രന്റെ ഉയിര്‍പ്പിന്റെ ആഘോഷങ്ങള്‍ ലോകം ആഘോഷിക്കുന്ന വേളയില്‍ വിശ്വാസികളുടെ ആഘോഷണങ്ങള്‍ക്കു വലിയ പ്രസക്തി ഉണ്ട്. അതുകൊണ്ടു ഈസ്റ്റര്‍ ആഘോഷങ്ങള്‍ വിജയപ്രദമാക്കുവാന്‍ എല്ലാ മലയാളി കാത്തലിക് സഹോദരങ്ങളുടെയും സഹായ സഹകരണങ്ങള്‍ ഉണ്ടാകണം ട്രസ്റ്റി ബോര്‍ഡ് ചെയര്‍പേഴ്‌സണ്‍ മേരി ഫിലിപ്പ് അഭ്യര്‍ത്ഥിച്ചു.
വൈസ് പ്രസിഡന്റ് ജോഫ്രിന്‍ ജോസ്, ജോയിന്റ് സെക്രട്ടറി പോള്‍ ജോസ്, ട്രഷറ4 സാബു മാര്‍ക്കോസ് എന്നിവരെയും എക്‌സിക്യൂട്ടീവ് കമ്മറ്റി അംഗങ്ങള്‍ ഷൈജു കളത്തില്‍, ജോസ് മലയില്‍, ആന്റോ വര്‍ക്കി, സുരേഷ് തോമസ് ഓഡിറ്റര്‍മാരായി ജോര്‍ജ് കൊട്ടാരം, ഫിലിപ്പ് കുര്യന്‍, ട്രസ്റ്റി ബോര്‍ഡ് ചെയര്‍ പേഴ്‌സണ്‍ മേരി ഫിലിപ്പ്, ട്രസ്റ്റി ബോര്‍ഡ് വൈസ് ചെയര്‍മാന്‍ ജോണ്‍ പോള്‍, അംഗങ്ങള്‍ ആയ ജോസ് കാനാട്ട്, ജോബുക്കുട്ടി, തോമസ് തോമസ്, ജോസ് കളപ്പുര, ജിന്‍സ്‌മോന്‍ സക്കറിയ, ചെറിയാന്‍ ചക്കാലപ്പടിക്കല്‍ എന്നിവരും ഈസ്റ്റര്‍ ആഘോഷങ്ങളിലേക്കു എല്ലാ വിശ്വാസികളെയും ക്ഷണിച്ചു.
ആഘോഷങ്ങള്‍ക്കു ശേഷം സാംസ്കാരിക തനിമ വിളിച്ചോതുന്ന കലാപരിപാടികളോടൊപ്പം ട്രിനിറ്റി സ്കൂള്‍ ഓഫ് മ്യൂസിക് നടത്തുന്ന മ്യൂസിക്കല്‍ നെറ്റും തുടര്‍ന്ന് വിഭവ സമൃദ്ധമായ ഡിന്നറും സംഘടിപ്പിച്ചിട്ടുണ്ട്. ന്യൂ യോര്‍ക്ക് ന്യൂ ജേഴ്‌സി െ്രെടസ്‌റ്റേറ്റിലുള്ള ആധ്യാത്മിക, സാമൂഹ്യ രംഗത്തെ പ്രഗത്ഭരും, ക്ഷണിക്കപ്പെട്ട അതിഥികളും ഈസ്റ്റര്‍ ആഘോഷങ്ങളില്‍ പങ്കെടുക്കും.