12:11 pm 9/5/2017
ട്രിപ്പോളി: ലിബിയൻ തീരത്ത് അഭയാർഥി ബോട്ടുകൾ മുങ്ങി 11 പേർ മരിച്ചു. 200 പേരെ കാണാതായതായി യുഎൻ സന്നദ്ധ സംഘടന അറിയിച്ചു. സാവിജ ബീച്ചിൽ 10 സ്ത്രീകളുടെയും ഒരു കുട്ടിയുടെയും മൃതദേഹങ്ങൾ തീരത്തടിഞ്ഞു.
കാറ്റു നിറയ്ക്കാവുന്ന ബോട്ടുകളിലാണ് അഭയാർഥികൾ സഞ്ചരിച്ചിരുന്നത്. വെള്ളിയാഴ്ച ലിബിയൻ തീരത്തുനിന്ന് 252 പേരുമായി രണ്ടു ബോട്ടുകളിലായി പുറപ്പെട്ട് മണിക്കൂറുകൾക്കുശേഷം ബോട്ടിന്‍റെ കാറ്റൊഴിഞ്ഞ് പോവുകയായിരുന്നു. നാൽപ്പതോളം പേരെ രക്ഷപ്പെടുത്തിയതായി ഇറ്റാലിയൻ തീരസംരക്ഷണസേന അറിയിച്ചു.