06:09 pm 28/1/2017
ലഖ്നോ: അയോധ്യയിൽ രാമക്ഷേത്രം പണിയുമെന്ന് ഉത്തർപ്രദേശ് നിയമസഭ തെരഞ്ഞെടുപ്പിനായി മുന്നോടിയായി പുറത്തിറക്കിയ ബി.ജെ.പി പ്രകടന പത്രിക. ബി.ജെ.പി പ്രസിഡൻറ് അമിത് ഷായാണ് ബി.ജെ.പി പ്രകടന പത്രിക ഇന്ന് പുറത്തിറക്കിയത്. നിലവിലുള്ള നിയമങ്ങൾ അനുസരിച്ച് രാമക്ഷേത്രം പണിയുമെന്നാണ് പ്രകടനപത്രികയിലെ പരാമർശം. ഇതിനൊപ്പം നിരവധി വാഗ്ദാനങ്ങളാണ് വോട്ടർമാർക്കായി ബി.ജെ.പി നൽകുന്നത്. യു.പിയിലെ മുസ്ലിം സ്ത്രീകളോട് അവരുടെ ആവശ്യങ്ങൾ ചോദിച്ചറിഞ്ഞ് നടപടികൾ എടുക്കമെന്നും പത്രിക പുറത്തിറക്കി അമിത് ഷാ പറഞ്ഞു. മുത്തലാഖ് അടക്കമുള്ള വിഷയങ്ങളിലാവും ബി.ജെ.പി ഇൗ നിലപാട് സ്വീകരിക്കുക.
മറ്റു പ്രധാന വാഗ്ദാനങ്ങൾ
കർഷകരുടെ വികസനം
വനിതകളുടെ ഉന്നമനം
അറവുശാലകൾ നിയന്ത്രിക്കും
കർഷകർക്ക് ജലസേചനത്തിനായി 20,000 രൂപ
അമൂൽ മാതൃകയിൽ ക്ഷീരകർഷകർക്കുള്ള കമ്പനി
അക്രമ സംഭവങ്ങളുണ്ടാവുേമ്പാൾ പൊലീസ് 15 മിനിറ്റിനകം സംഭവ സ്ഥലത്ത് എത്താനുള്ള സംവിധാനം
ഖനി മാഫിയക്കെതിരെ പ്രത്യേക ദൗത്യ സേന
12ാം ക്ലാസ് വരെയുളള വിദ്യാഭ്യാസം സമ്പൂർണ്ണമായും സൗജന്യം
ഉന്നത വിദ്യാഭ്യാസത്തിനായി 10 പുതിയ യൂണിവേഴ്സിറ്റികൾ
പാവങ്ങൾക്കായി ഗരീബ് കല്യാൺ കാർഡ്
മുത്തലാഖ് വിഷയത്തിൽ മുസ്ലിം സ്ത്രീകൾക്ക് നീതി