07:26 am 17/6/2017
ന്യൂയോർക്ക്: അമേരിക്കൻ ഇ-കൊമേഴ്സ് ഭീമനായ ആമസോണ് ഹോൾ ഫുഡ്സ് മാർക്കറ്റ് വാങ്ങാൻ ഒരുങ്ങുന്നു. 13.7 ബില്യണ് ഡോളറിന് (88317 കോടി രൂപ) ആണ് കരാർ ഉറപ്പിച്ചത്. ആമസോണ് തങ്ങളുടെ ഭക്ഷ്യ, ഗ്രോസറി ശൃംഖല വ്യാപിക്കാനുള്ള നീക്കത്തിന്റെ ഭാഗമായാണ് ഹോൾ ഫുഡ്സ് വാങ്ങുന്നത്.
1978ൽ ടെക്സസിൽ പ്രവർത്തനം ആരംഭിച്ച ഹോൾ ഫുഡ്സ് പ്രകൃതിദത്തവും വിഷരഹിതവുമായ ഭക്ഷണങ്ങളുടെ വിൽപ്പനയിലൂടെ ജനപ്രീതി നേടിയ സൂപ്പർ മാർക്കറ്റാണ്. യുഎസ്, കാനഡ, യുകെ എന്നീ രാജ്യങ്ങളിലുള്ള ഹോൾ ഫുഡ്സിന്റെ 460 സ്റ്റോറുകളിലായി 87,000 ആളുകൾ ജോലി ചെയ്യുന്നുണ്ട്.