10:00am 8/6/2016
ടോക്കിയോ: സംയുക്‌ത നാവിക അഭ്യാസം പശ്‌ചിമ പസഫിക്ക്‌ സമുദ്രത്തില്‍ നടക്കും. ഇന്ത്യയുടെയും യുഎസിന്റെയും ജപ്പാന്റെയും യുദ്ധക്കപ്പലുകളാണ്‌ സംയുക്‌ത നാവിക അഭ്യാസത്തില്‍ പങ്കെടുക്കുക. എട്ടു ദിവസം നീണ്ടുനില്‍ക്കുന്ന നാവിക അഭ്യാസങ്ങളാണ്‌ നടക്കുക.
ദക്ഷിണ ചൈനാ കടലില്‍ അവകാശം പ്രഖ്യാപിച്ച ചൈന പശ്‌ചിമ പസഫിക്കിലേക്കും സ്വാധീനം വ്യാപിപ്പിക്കുമെന്ന ആശങ്ക നിലനില്‍ക്കെയാണ്‌ ഇവിടെ നാവിക അഭ്യാസം നടത്താനുള്ള തീരുമാനം. ‘മലബാര്‍ നാവിക അഭ്യാസം’ എന്ന പേരില്‍ ഇന്ത്യയും യുഎസും സംയുക്‌തമായി നടത്തിവരുന്ന നാവിക അഭ്യാസത്തില്‍ 2007 ന്‌ ശേഷം ഇതാദ്യമായാണ്‌ ജപ്പാന്‍ പങ്കെടുക്കുന്നതെന്ന്‌ ജപ്പാന്‍ പ്രതിരോധ മന്ത്രാലയം അറിയിച്ചു.
