07:31 am 17/5/2017
പാരീസ്: 18 തവണ ഗ്രാൻസ്ലാം നേടിയ സ്വിറ്റ്സർലൻഡിന്റെ റോജർ ഫെഡറർ ഈ മാസം തുടങ്ങുന്ന ഫ്രഞ്ച് ഓപ്പണ് ടെന്നീസിൽനിന്നു പിൻമാറി. വിംബിൾഡണിൽ ശ്രദ്ധ കേന്ദ്രീകരിക്കാനാണ് താൻ ഫ്രഞ്ച് ഓപ്പണിൽനിന്നു പിൻമാറുന്നതെന്ന് ഫെഡറർ പറഞ്ഞു. ജൂലൈ മൂന്നിനാണ് വിംബിൾഡണ് ആരംഭിക്കുന്നത്. ഇവിടെ ഏഴു തവണ ഫെഡക്സ്് ചാന്പ്യനായിട്ടുണ്ട്.
കളിമണ് കോർട്ടിൽ തനിക്ക് ഇനി മികച്ച പ്രകടനം പുറത്തെടുക്കാൻ സാധിക്കില്ല എന്ന തിരിച്ചറിവാണ് ഫെഡററെ ഫ്രഞ്ച് ഓപ്പണിൽനിന്നു പിൻമാറാൻ പ്രേരിപ്പിച്ചതെന്നാണ് വിലയിരുത്തൽ. ജനുവരിയിൽ ഓസ്ട്രേലിയൻ ഓപ്പണ് കിരീടം നേടിയ ഫെഡറർ വിശ്രമത്തിലായിരുന്നു.
1999ൽ ഫ്രഞ്ച് ഓപ്പണ് കളിച്ചു തുടങ്ങിയശേഷം കഴിഞ്ഞവർഷമാണ് ഫെഡറർ ടൂർണമെന്റിൽനിന്ന് ആദ്യമായി വിട്ടുനിൽക്കുന്നത്. എന്നാൽ 2009ൽ മാത്രമാണ് ഫെഡറർക്ക് ഫ്രഞ്ച് ഓപ്പണ് കിരീടം നേടാനായത്.