ഐ ഫോണുകള്‍ ഇന്ത്യയില്‍ നിര്‍മ്മിക്കണമെന്ന്‌ ആപ്പിള്‍ മേധാവിയോട്‌ പ്രധാനമന്ത്രി നരേന്ദ്ര മോഡി

12:10pm 22/5/2016

download (5)
ന്യൂഡല്‍ഹി: ഇന്ത്യയില്‍ ഐ ഫോണുകള്‍ നിര്‍മ്മിക്കണമെന്ന്‌ ആപ്പിള്‍ സി.ഇ.ഒ ടിം കുക്കിനോട്‌ പ്രധാനമന്ത്രി നരേന്ദ്ര മോഡി. നാല്‌ ദിവസത്തെ സന്ദര്‍ശനത്തിനായി ഇന്ത്യയിലെത്തിയ ടിം കുക്കുമായി ഡല്‍ഹിയില്‍ നടത്തിയ കൂടിക്കാഴ്‌ച്ചയിലാണ്‌ പ്രധാനമന്ത്രി നരേന്ദ്ര മോഡി ഇക്കാര്യം ആവശ്യപ്പെട്ടത്‌.
പഴയ ഐ ഫോണുകളുടെ ആഗോള വില്‍പ്പനയുമായി ബന്ധപ്പെട്ട കാര്യമാണ്‌ കൂടിക്കാഴ്‌ച്ചയില്‍ പ്രധാനമായും ടിം കുക്ക്‌ ചര്‍ച്ച ചെയ്‌തത്‌. നിലവില്‍ ഇന്ത്യയില്‍ ഉല്‍പ്പാദനം തുടങ്ങുന്ന കാര്യം ആലോചിച്ചിട്ടില്ലെന്നും എന്നാള്‍ മോദിയുടെ നിര്‍ദ്ദേശം പരിഗണിക്കാമെന്നും ടിം കുക്ക്‌ പറഞ്ഞു.
ആഗോള ഐ ഫോണ്‍ വില്‍പ്പനയില്‍ വെറും ഒരു ശതമാനം മാത്രമാണ്‌ നിലവില്‍ ഇന്ത്യയിലുള്ളത്‌ അതിനാല്‍ ഐ ഫോണ്‍ ഉല്‍പ്പാദനം ഇന്ത്യയില്‍ തുടങ്ങാന്‍ ആപ്പിള്‍ വലിയ താല്‍പര്യമെടുക്കുല്ലെന്നാണ്‌ റിപ്പോര്‍ട്ടുകള്‍. ഇന്ത്യയില്‍ ആകെയുള്ള മൊബൈല്‍ ഫോണ്‍ വില്‍പ്പനയില്‍ 1.5 ശതമാനം മാത്രമാണ്‌ ഐ ഫോണ്‍ വില്‍പ്പന.
നവീകരിച്ച ഫോണുകളല്ല ഇന്ത്യ ലക്ഷ്യം വക്കുന്നതെന്ന്‌ മോഡി ടിം കുക്കിനോട്‌ വ്യക്‌തമാക്കി. ഇലക്‌ട്രോണിക്‌ മാലിന്യങ്ങള്‍ ഉയര്‍ത്തുന്ന വലിയ പ്രശ്‌നം സംബന്ധിച്ചും ഇരുവരും കുടിക്കാഴ്‌ച്ചയില്‍ ചര്‍ച്ച ചെയ്‌തു. ഡിജിറ്റല്‍ ഇന്ത്യ പദ്ധതിക്ക്‌ മോഡി ആപ്പിളിന്റെ പിന്തുണ ആവശ്യപ്പെടുകയും ചെയ്‌തു.