12:10 am 23/12/2016
ദുബായ്: ഐ സി സി ക്രിക്കറ്റര് ഓഫ് ദ ഇയര്‍ പുരസ്കാരം ഇന്ത്യയുടെ ആര്‍ അശ്വിന്. ഈ നേട്ടം സ്വന്തമാക്കുന്ന മൂന്നാമത്തെ ഇന്ത്യന്‍ താരമാണ് അശ്വിന്. ടെസ്റ്റ് ക്രിക്കറ്റര് ഓഫ് ദ ഇയര്‍ പുരസ്കാരവും അശ്വിന് സ്വന്തമാക്കി. ഈ വര്‍ഷം 12 ടെസ്റ്റില്‍ നിന്ന് 72 വിക്കറ്റാണ് അശ്വിന്റെ സമ്പാദ്യം. 2004ല്‍ രാഹുല്‍ ദ്രാവിഡും 2010ല്‍ സച്ചിന്‍ ടെന്‍ഡുല്‍ക്കറുമാണ് അശ്വിന് മുമ്പ് ഐസിസി ക്രിക്കറ്റര് ഓഫ് ദ ഇയറായിട്ടുള്ള മറ്റ് ഇന്ത്യന്‍ താരങ്ങള്‍.
ഐസിസി ടെസ്റ്റ് ക്രിക്കറ്റര് ഓഫ് ദ ഇയറാവുന്ന മൂന്നാമത്ത ഇന്ത്യന്‍ താരവുമാണ് അശ്വിന്. 2004ല്‍ ദ്രാവിഡും 2009ല്‍ ഗൗതം ഗംഭീറും ഐസിസി ടെസ്റ്റ് ക്രിക്കറ്റര് ഓഫ് ദ ഇയറായിട്ടുണ്ട്. ഈ വര്‍ഷത്തെ ഐസിസി ടെസ്റ്റ് ടീമില്‍ ഇടം നേടിയ ഏക ഇന്ത്യന്‍ താരവും അശ്വിനാണ്.
ഇന്ത്യയോട് 4-0ന്റെ തോല്‍വി വഴങ്ങിയെങ്കിലും ഇംഗ്ലീഷ് നായകന്‍ അലിസ്റ്റര്‍ കുക്കാണ് ഐസിസി ടെസ്റ്റ് ടീം ക്യാപ്റ്റന്‍. വിരാട് കൊഹ്‌ലി ടെസ്റ്റ് ടീമിലില്ല. വിരാട് കൊ‌ഹ്‌ലിയാണ് ഐ സി സി ഏകദിന ടീം ക്യാപ്റ്റന്‍. ഏകദിന പ്ലയര്‍ ഓഫ് ദ ഇയര്‍ പുരസ്കാരം ദക്ഷിണാഫ്രിക്കയുടെ ക്വിന്റണ്‍ ഡി കോക്കിനാണ്. ഏകദിന ടീമില്‍ കൊഹ്‌ലിക്ക് പുറമെ രോഹിത് ശര്‍മ, വിരാട് കൊഹ്‌ലി എന്നിവരുമുണ്ട്.
ബംഗ്ലാദേശിന്റെ മുസ്തഫിസുര്‍ റഹ്മാനാണ് എര്‍ജിംഗ് പ്ലയര്‍ ഓഫ് ദ ഇയര്‍. 2015 സെപ്റ്റംബര്‍ 14 മുതല്‍ 2016 സെപ്റ്റംബര്‍ 20 വരെയുള്ള കാലയളവിലെ പ്രകടനത്തിന്റെ അടിസ്ഥാനത്തിലാണ് പുരസ്കാരങ്ങള്‍ പ്രഖ്യാപിച്ചത്.പാക്കിസ്ഥാന്‍ ടെസ്റ്റ് ടീം നായകന്‍ മിസ്ബാ ഉള്‍ ഹഖിന് സ്പിരിറ്റ് ഓഫ് ക്രിക്കറ്റ് അവാര്‍ഡ് നല്‍കും.
SHARE ON ADD A COMMENT
