11:37 AM 27/1/2017
കശ്മീർ: കശ്മീരിലുണ്ടായ മഞ്ഞിടിച്ചിലിൽ മരിച്ച സൈനികരുടെ എണ്ണം 14 ആയി. നാലു പേരുടെ മൃതദേഹം കൂടി ഇന്ന് കണ്ടെടുത്തു.
ജമ്മു കശ്മീരിലെ ഗുർസെയിലെ സൈനിക ക്യാമ്പിലാണ് കഴിഞ്ഞദിവസം മഞ്ഞിടിച്ചിലുണ്ടായത്.
മോശം കാലാവസ്ഥയും കനത്ത മഞ്ഞുവീഴ്ചയും മൂലം രക്ഷാ പ്രവർത്തനം ദുഷ്കരമാക്കിയിരുന്നു. കഴിഞ്ഞദിവസം നടത്തിയ തെരച്ചിലിൽ 10 പേരുടെ മൃതദേഹം കണ്ടെത്തിയിരുന്നു. സൈനിക ക്യാമ്പിലേക്ക് പോവുകയായിരുന്ന വാഹനം മഞ്ഞിടിച്ചിലിൽ കാണാതായിട്ടുണ്ട്.
കഴിഞ്ഞദിവസം സൊണമാർഗിലുണ്ടായ മഞ്ഞിടിച്ചിലിൽ ഒരു മേജറും നാല് സാധാരണക്കാരും മരിച്ചിട്ടുണ്ട്. രക്ഷാപ്രവർത്തകർ ഏഴുപേരെ ജീവനോടെ കണ്ടെത്തിയിരുന്നു.