12:30 pm 8/10/2016
ശ്രീനഗർ: കശ്മീരിൽ പ്രതിഷേധക്കാർക്കു നേരെ സുരക്ഷാസേന നടത്തിയ ആക്രമണത്തിൽ 13 വയസുകാരൻ കൊല്ലപ്പെട്ടു. ജുനൈദ് അഹമദ് ഭട്ടാണ് സംഘർഷത്തിൽ കൊല്ലപ്പെട്ടത്. മൂന്ന് മാസമായി തുടരുന്ന സംഘർഷത്തിനിടെ മരിച്ചവരുടെ എണ്ണം ഇതോടെ 91 ആയി.
സംഘർഷത്തെ തുടർന്ന് മേഖലകളിൽ കർഫ്യൂ പ്രഖ്യാപിച്ചിട്ടുണ്ട്. പ്രതിഷേധക്കാർക്ക് നേരെ ശനിയാഴ്ച്ചയായിരുന്നു സേന പെല്ലറ്റ് ആക്രമണം നടത്തിയത്. ഇൗ സമയത്ത് വീടിനടുത്തുണ്ടായിരുന്ന ജുനൈദിെൻറ നെഞ്ചിലും തലയിലും പെല്ലറ്റ് പതിക്കുകയായിരുന്നു. ജുനൈദിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഹിസ്ബുൽ മുജാഹിദീൻ കമാൻഡർ ബുർഹാൻ വാനി കൊല്ലപ്പെട്ടതിനെ തുടർന്നാണ് കശ്മീരിലെ വിവിധയിടങ്ങളിൽ സംഘർഷം ആരംഭിച്ചത്. സംഘർഷത്തിൽ 90 ലധികം പേർ കൊല്ലപ്പെടുകയും നിരവധി പേർക്ക് പരിക്കേൽകുകയും ചെയ്തിരുന്നു.