11:30 am 17/08/2016
ശ്രീനഗര്: കാശ്മീരിൽ സുരക്ഷാ ഉദ്യോഗസ്ഥരുടെ വാഹന വ്യൂഹത്തിന് നേരെ തീവ്രവാദികൾ നടത്തിയ ആക്രമണത്തില് മൂന്നുപേര് കൊല്ലപ്പെട്ടു. രണ്ട് സൈനികരും ഒരു പൊലീസുകാരനുമാണ് കൊല്ലപ്പെട്ടത്. രണ്ട് ഉദ്യോഗസ്ഥര്ക്ക് പരിക്കേൽക്കുകയും ചെയ്തിട്ടുണ്ട്.
ബുധനാഴ്ച പുലര്ച്ചെ ബാരാമുല്ലയിലെ ക്വാജാബാഗിലാണ് ആക്രമണമുണ്ടായത്. സുരക്ഷാ ഉദ്യോഗസ്ഥര് കടന്നു വരുന്ന വഴിയില് പതിയിരുന്ന തീവ്രവാദികള് പൊടുന്നനെ അക്രമിക്കുകയായിരുന്നു. സംഭവത്തിൽ അന്വേഷണം ആരംഭിച്ചിട്ടുണ്ടെന്ന് സൈനിക വക്താവ് അറിയിച്ചു.