07:37 am 3/6/2017
കാക്കിനഡ: ഷോപ്പിംഗ് മാളിനു മുകളിൽ സ്ഥാപിച്ചിരുന്ന കൂറ്റൻ ഹോർഡിംഗ്(പരസ്യ ബോർഡ്) ശരീരത്തിൽ പതിച്ച് യുവതി മരിച്ചു. ആന്ധ്രാപ്രദേശ് കാക്കിനഡയിലെ ജ്യോതുല മാർക്കറ്റിൽ വെള്ളിയാഴ്ചയായിരുന്നു അപകടം.
നഗരത്തിലെ ബഹുനില ഷോപ്പിംഗ് മാളിന്റെ ഏറ്റവും മുകളിൽ സ്ഥാപിച്ചിരുന്ന ഹോർഡിംഗ് കാറ്റിൽ തകർന്നുവീഴുകയായിരുന്നു. വഴിയിലൂടെ നടന്നുപോയിരുന്ന വസംശെട്ടി ശാന്തി എന്ന ഇരുപതുകാരിയുടെ ശരീരത്തിലാണ് ഇതു പതിച്ചത്. ഗുരുതരമായി പരിക്കേറ്റ യുവതിയെ ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.