08:11 am 26/6/2017
ബൊഗോട്ട: കൊളംബിയയിൽ യാത്രാ ബോട്ട് മുങ്ങി ഒമ്പതു പേർ മരിച്ചു. വടക്ക് പടിഞ്ഞാറൻ കൊളംബിയയിലെ ഗുവതപെയിൽ അണക്കെട്ടിലെ ജലാശയത്തിലായിരുന്നു അപകടം. ജലാശയത്തിൽ മുങ്ങിത്താണ 28 പേരെ കാണാതായി. ബോട്ടിൽ 150 പേരാണ് ഉണ്ടായിരുന്നത്.
അപകടത്തിൽപെട്ട ബോട്ടിന്റെ മുകൾതട്ടിലും പിടിച്ചു കിടന്നവരെയാണ് രക്ഷിക്കാൻ കഴിഞ്ഞത്. രക്ഷപെടുത്തിയവരെ ആശുപത്രികളിലേക്ക് മാറ്റി. ബോട്ട് യാത്ര തുടങ്ങി അഞ്ചു മിനിറ്റിനുള്ളിൽ ബോട്ട് മുങ്ങിത്താഴുകയായിരുന്നെന്ന് ദൃക്സാക്ഷികൾ പറയുന്നു.