08:50 am 22/6/2017
തിരുവനന്തപുരം: നികുതി സ്വീകരിക്കാത്തതിനെ സംബന്ധിച്ചുണ്ടായ തർക്കത്തെ തുടർന്ന് കർഷകൻ ജീവനൊടുക്കിയ സംഭവം ഗൗരവമേറിയതാണെന്ന് റവന്യൂമന്ത്രി ഇ. ചന്ദ്രശേഖരൻ. ഇതേക്കുറിച്ച് അന്വേഷിച്ച് റിപ്പോർട്ട് നൽകാൻ ജില്ലാകളക്ടർക്ക് നിർദേശം നൽകിയിട്ടുണ്ട്. റിപ്പോർട്ട് ലഭിച്ച ശേഷം വിഷയത്തിൽ ആവശ്യമായ നടപടികൾ സ്വീകരിക്കുമെന്നും അദ്ദേഹം അറിയിച്ചു.
ബുധനാഴ്ച രാത്രിയാണ് കാവിൽപുരയിടം താഴത്തങ്ങാടി ജോയി, ചെമ്പനോട വില്ലേജ് ഓഫീസിൽ തൂങ്ങിമരിച്ചത്. സംഭവത്തിൽ വില്ലേജ് ഓഫീസ് അധികൃതരാണ് കുറ്റക്കാരെന്ന് മരിച്ച ജോയിയുടെ സഹോദരൻ ജോണി ആരോപിച്ചിരുന്നു.