07:44 am 26/5/2017
ഏഥൻസ്: ഗ്രീസ് മുൻ പ്രധാനമന്ത്രി ലുക്കാസ് പപഡെമോസിന് സ്ഫോടനത്തിൽ പരിക്ക്. വ്യാഴാഴ്ച ഏഥൻസിലായിരുന്നു സംഭവം. കാറിനുള്ളിൽവച്ചാണ് സ്ഫോടനം ഉണ്ടായത്. ലെറ്റർ ബോംബാണ് സ്ഫോടനത്തിനു കാരണമെന്ന് കരുതുന്നു.
പപഡെമോസിന്റെ ഡ്രൈവർക്കും സ്ഫോടനത്തിൽ പരിക്കേറ്റിട്ടുണ്ട്. ഇരുവർക്കും കാലിനാണ് പരിക്ക്. പപഡെമോസിന്റെ കാറിൽ സംഭവസമയം ധനകാര്യ സ്ഥാപനങ്ങളിലെ രണ്ട് ഉദ്യോഗസ്ഥരും ഉണ്ടായിരുന്നതായി പറയുന്നു.
രാജ്യത്തെ സാമ്പത്തിക കുഴപ്പങ്ങളെ തുടർന്ന് 2011 നവംബറിലാണ് പപഡെമോസ് ഇടക്കാല പ്രധാനമന്ത്രിയായി ചുമതലയേറ്റെടുക്കുന്നത്. 2012 മെയ് വരെ അദ്ദേഹം സ്ഥാനത്ത് തുടർന്നു.