09:33 am 7/6/2017
പാരീസ്: പാരീസിലെ നോട്രേ ഡാം കത്തീഡ്രലിനു സമീപം ചുറ്റികയുമായി പോലീസ് ഉദ്യോഗസ്ഥനെ ആക്രമിക്കാൻ ശ്രമിച്ച യുവാവിനെ പോലീസ് വെടിവച്ചു വീഴ്ത്തി. ”ഇത് സിറിയയ്ക്ക് വേണ്ടി ആകുന്നു’ എന്ന് ആക്രോശിച്ച് കൊണ്ടായിരുന്നു ഇയാൾ ആക്രമിക്കാൻ ശ്രമിച്ചതെന്ന് ആഭ്യന്തരമന്ത്രി അറിയിച്ചു.
പ്രദേശിക സമയം ചൊവ്വാഴ്ച ഉച്ചകഴിഞ്ഞാണ് സംഭവം. ചുറ്റികയുമായി പോലീസ് ഉദ്യോഗസ്ഥനെ ആക്രമിക്കാൻ ശ്രമിക്കുന്നതിനിടെ കൂടെയുണ്ടായിരുന്ന മറ്റൊരു പോലീസുകാരൻ വെടിയുതിർക്കുകയായിരുന്നു. സംഭവം നടക്കുന്പോൾ നൂറുക്കണക്കിനാളുകൾ കത്തീഡ്രലിൽ ഉണ്ടായിരുന്നു.
അക്രമിയുടെ പക്കൽ നിന്ന് അൾജീരിയൻ വിദ്യാർഥിയുടെ തിരിച്ചറിയൽ കാർഡ് കണ്ടെടുത്തതായി ഫ്രഞ്ച് ആഭ്യന്തരമന്ത്രി ജെറാർഡ് കൊളൊന്പ് പറഞ്ഞു. അക്രമിക്ക് ഭീകര സംഘടനകളുമായി ബന്ധമുണ്ടോയെന്ന് പ്രോസിക്യൂട്ടർ അന്വേഷണം ആരംഭിച്ചു.