07:30 am 28/6/2017
കോഴിക്കോട്: കോഴിക്കോട് ജില്ലയിൽ ഡെങ്കിപ്പനി ബാധിച്ച് ഒരാൾകൂടി മരിച്ചു. കൂരാച്ചുണ്ട് ഒടിക്കുഴിയിൽ മൊയ്തീൻ ആണു മരിച്ചത്. ഇതോടെ ചൊവ്വാഴ്ച പനി ബാധിച്ചു മരിച്ചവരുടെ എണ്ണം എട്ടായി.
കൊല്ലം പഴയ കോട്ടംകര അഫ്സൽ (13), സുധാദേവി (40), കൊല്ലം തെക്കുംഭാഗം അജിത്കുമാർ (36), തൃശൂർ പുതുർ വത്സല (60), കൊണ്ടാഴി അന്പിളി (38) മലപ്പുറം വാഴക്കാട് അപൂർവ (രണ്ട്), പാലക്കാട് കുന്നത്തൂർ കുഞ്ഞു ലക്ഷ്മിയമ്മ (74) എന്നിവരാണ് ഡെങ്കിപ്പനിയെ തുടർന്നു മരിച്ചത്. മലപ്പുറം മൊറയൂർ ഷഹാബുദീൻ (ഒന്നര) എച്ച്1 എൻ1 മൂലമാണ് മരിച്ചത്.
സർക്കാർ ആശുപത്രികളിൽ മാത്രം ചൊവ്വാഴ്ച 23633 പേർ പനി പിടിപെട്ടു ചികിത്സ തേടിയതായാണു കണക്ക്.