10:59 AM 29/11/2016
ജമ്മു: കാശ്മീരിലെ നഗ്രോത സൈനിക ക്യാമ്പിനു നേരെ ഭീകരാക്രമണത്തിൽ രണ്ട് ജവാൻമാർ കൊല്ലപ്പെട്ടു. ചൊവ്വാഴ്ച പുലർച്ചെയാണ് ആക്രമണമുണ്ടായത്. രണ്ട്സൈനികർക്ക് പരിക്കേറ്റതായും റിപ്പോർട്ടുകളുണ്ട്. സൈന്യവും ഭീകരരും തമ്മിലുള്ള ഏറ്റുമുട്ടൽ ഇപ്പോഴും തുടരുകയാണ്.
ജമ്മുവിൽ നിന്ന് 20 കിലോമീറ്റർ അകലെ സ്ഥിതിെചയ്യുന്ന സൈനിക ക്യാമ്പാണ് നഗ്രോതയിലേത്. ഇന്ന് പുലർച്ചെ അഞ്ചരയോടു കൂടി ഭീകരർ സൈനിക ക്യാമ്പിന് നേരേ ഗ്രനേഡ് എറിയുകയായിരുന്നു. മൂന്നോളം ഭീകരർ സൈനിക ക്യാമ്പിൽ ഒളിച്ചിരിക്കുന്നതായാണ് വിവരം.
ആർമിയുടെ 16 കോർപ്പിെൻറ ആസ്ഥാനമാണ് നഗ്രോത. ആക്രമണത്തിെൻറ പശ്ചാത്തലത്തിൽ ക്യാമ്പിന് സമീപത്തെ സ്കൂളുകളെല്ലാം അടച്ചു. ദേശീയ പാതയിലൂടെയുള്ള ഗതാഗതവും നിരോധിച്ചിരിക്കുകയാണ്.