മാനഭംഗത്തിനിരയായ യുവതിക്കൊപ്പം വനിതാ കമീഷൻ അംഗങ്ങളുടെ സെൽഫി വിവാദമായി.

12:38pm 30/06/2016
download
ജെയ്​പൂർ: രാജസ്​ഥാൻ വനിതാ കമീഷൻ അധ്യക്ഷ സുമൻ ശർമയും അംഗം സോമ്യ ഗുർജനുമാണ്​ സെൽഫി​യെടുത്തത്​ വിവാദത്തിലായത്​. മാനഭംഗത്തിനിരയായ യുവതിയെ കാണാൻ ബുധനാഴ്​ചയാണ്​ ഇരുവരും വടക്കൻ ജെയ്​പൂരിലെ പൊലീസ്​ സ്​റ്റേഷനിലെത്തിയത്​. യുവതിക്കൊപ്പം വനിതാ കമീഷൻ അംഗം സോമ്യ ഗുർജർ എടുത്ത രണ്ട്​ സെൽഫികൾ വൈറലായിരുന്നു. സോമ്യ ഗുർജറിനൊപ്പം കമീഷൻ അധ്യക്ഷയും സെൽഫിയിൽ മുഖം കാണിച്ചിട്ടുണ്ട്​.

സംഭവം വിവാദമായതോടെ വനിത കമീഷൻ അധ്യക്ഷ സോമ്യ ഗുർജറിനോട്​ ഒര​ു ദിവസത്തിനകം വിശദീകരണം എഴുതി നൽകാൻ ആവശ്യപ്പെട്ടു ഇത്തരം നടപടികളെ അനുകൂലിക്കുന്നില്ലെന്നും കമീഷൻ അധ്യക്ഷ സുമൻ ശർമ പറഞ്ഞു. യുവതിയോട്​ സംസാരിക്കു​േമ്പാ​ഴാണ്​ കമീഷൻ അംഗം സെൽഫിയെടുത്തതെന്നും ഇത്​ താൻ അറിഞ്ഞില്ലെന്നും സുമൻ ശർമ വ്യക്​തമാക്കി.

സ്​ത്രീധനം നൽകാത്തതിന്​ ഭർത്താവും ഭർത്താവി​െൻറ സഹോദരന്മാരും ബലാൽസംഗം ചെയ്​തെന്ന്​ ആരോപിച്ചാണ്​ 30 കാരിയായ യുവതി പരാതി നൽകിയത്​.