08:16 am 6/5/2017
ബംഗളൂരു: വിരാട് കോഹ്ലിയുടെ റോയൽ ചലഞ്ചേഴ്സ് ബാംഗ്ലൂരിന് വീണ്ടും തോൽവി. കിംഗ്സ് ഇലവൻ പഞ്ചാബിനോട് 19 റൺസിനാണ് കോഹ്ലിയും കൂട്ടരും ഇത്തവണ പരാജയപ്പെട്ടത്. പഞ്ചാബ് ഉയർത്തിയ 139 റൺസിന്റെ ചെറു ലക്ഷ്യം മറികടക്കാനാവാതെ ഒരോവർ ബാക്കിനിൽക്കെ 119 റൺസിന് ബാംഗ്ലൂർ പോരാട്ടം അവസാനിപ്പിച്ചു.
മന്ദീപ് സിംഗ് മാത്രമാണ് (46) ബാംഗ്ലൂർ നിരയിൽ തിളങ്ങിയത്. വാലറ്റത്ത് പവൻ നേഗി (21) പൊരുതിയെങ്കിലും അനാവശ്യ ഷോട്ടിന് മുതിർന്ന് പുറത്തായി. കോഹ്ലി (6), ക്രിസ് ഗെയ്ൽ (0), ഡീവില്ലേഴ്സ് (10) എന്നിവർക്കൊന്നും തിളങ്ങാനാവാതെ പോയതാണ് ബാംഗ്ലൂരിന്റെ തോൽവിക്ക് കാരണം.
നേരത്തെ അക്സർ പട്ടേൽ (38), മനാൻ വോറ (25), വൃദ്ധിമാൻ സാഹ (21), ഷോൺ മാർഷ് (20) എന്നിവരുടെ ഭേദപ്പെട്ട പ്രകടനമാണ് പഞ്ചാബിന് മാന്യമായ സ്കോർ നൽകിയത്. നിശ്ചിത 20 ഓവറിൽ ഏഴു വിക്കറ്റ് നഷ്ടപ്പെടുത്തിയായിരുന്നു പഞ്ചാബ് 138 റൺസെടുത്തത്. രണ്ടു ജയവും ഒമ്പതു തോൽവിയുമായി ബാംഗ്ലൂർ പോയിന്റ് പട്ടികയിൽ അവസാന സ്ഥാനക്കാരാണ്.