10:29AM 22/3/2106
പോള്‍ കലാനിധി എഴുതിയ ‘വെന്‍ ബ്രീത്ത് ബികംസ് എയര്‍’ എന്ന പുസ്തകം വായിച്ചപ്പോഴാണ് ജീവിതത്തിലെ സമയത്തെക്കുറിച്ച് ബോധവനായതെന്ന് പറഞ്ഞാണ് ബ്ലോഗ് തുടങ്ങുന്നത്. ഈ സന്ദര്‍ഭത്തില്‍ പതിവുപോലെ തന്നെ ദൈവത്തിന് കത്തെഴുതിയെന്നും അദ്ദേഹം കൃത്യമായി മറുപടി തന്നുവെന്നും പറഞ്ഞ് ദൈവം എഴുതുന്ന മറുപടിയും ബ്ലോഗിലുണ്ട്. നിങ്ങള്‍ ഇപ്പോള്‍ ഏറ്റവുമധികം സമയം ചെലവഴിക്കുന്നത് എനിക്ക് വേണ്ടിയാണ്. എന്നെ പ്രശംസിക്കാന്‍, എനിക്ക് ചുട്ടുപൊള്ളുന്ന കോണ്‍ക്രീറ്റിന്റെ ആരാധനാലയങ്ങളുണ്ടാക്കാന്‍, എന്നെപ്പറ്റി ആരെങ്കിലും എന്തെങ്കിലും പറഞ്ഞാല്‍ അവരെ തെറി പറയാന്‍, കൊല്ലാന്‍, എന്റെ പേര് പറഞ്ഞ് സംഘടനകളുണ്ടാക്കി പണം പിരിക്കാന്‍ എന്തുമാത്രം സമയമാണ് നിങ്ങള്‍ എനിക്ക് വേണ്ടി ചിലവഴിക്കുന്നതെന്ന് ദൈവം കത്തില്‍ ചോദിക്കുന്നു. ജീവിതം എന്നത് മരച്ചുവട്ടിലെ മനോഹരമായ മയക്കം മാത്രമാണ്. കത്തിന്റെ അവസാന ഭാഗം ദൈവത്തിന്റെ കണ്ണീര്‍ വീണ് നനഞ്ഞിരിക്കുന്നുവെന്നും പറഞ്ഞാണ് ബ്ലോഗ് അവസാനിപ്പിക്കുന്നത്.
