09;50 am 12/11/2016
വാട്ട്സ്ആപ്പ് തങ്ങളുടെ സെക്യൂരിറ്റി ഫീച്ചറില്‍ മാറ്റം വരുത്തുന്നു. ഇരട്ട ഘട്ടങ്ങളുള്ള വെരിഫിക്കേഷന്‍ സംവിധാനമാണ് പുതിയ വാട്ട്സ്ആപ്പ് അപ്പ് പതിപ്പില്‍ അവതരിപ്പിക്കാന്‍ ഒരുങ്ങുന്നത്. അടുത്തിടെ വാട്ട്സ്ആപ്പിനെതിരെ ഉയരുന്ന സെക്യൂരിറ്റി പ്രശ്നങ്ങള്‍ മറികടക്കാന്‍ കൂടിയാണ് പുതിയ സംവിധാനം. ജൂലൈയില്‍ തന്നെ ഇത്തരത്തിലുള്ള സംവിധാനം വാട്ട്സ്ആപ്പ് അവതരിപ്പിക്കും എന്ന് റിപ്പോര്‍ട്ടുണ്ടായിരുന്നു.
സെറ്റിംഗ് മെനുവിലാണ് ഇത് ലഭിക്കുന്നത്. ഈ മെനുവില്‍ നിങ്ങള്‍ 6 ഡിജിറ്റുള്ള ഒരു പാസ് കോഡ് നല്‍കാം. ഇതിന് ഒപ്പം നിങ്ങളുടെ ഇ-മെയിലും നല്‍കാന്‍ ഓപ്ഷന്‍ ഉണ്ട്. ഇത് നല്‍കിയാല്‍ പാസ്കോഡ് മറന്നുപോയാല്‍ നിങ്ങള്‍ക്ക് ബാക്ക്അപ്പ് ചെയ്യാം.
ആന്‍ഡ്രോയ്ഡിലായിരിക്കും പാസ്കോഡ് സംവിധാനം ആദ്യം ഏര്‍പ്പെടുത്തുക. 7ദിവസത്തോളം വാട്ട്സ്ആപ്പ് ഉപയോഗിക്കാതിരിക്കുന്ന വ്യക്തിക്ക് പിന്നീട് വാട്ട്സ്ആപ്പില്‍ കയറണമെങ്കില്‍ പാസ്കോഡ് അടിക്കണം. ഇതോടൊപ്പം തന്നെ ഉടന്‍ തന്നെ ആന്‍ഡ്രോയ്ഡില്‍ നേരിട്ട് സ്മൈലി ഓപ്ഷനില്‍ നിന്ന് ജിഫ് അയക്കാനുള്ള സംവിധാനവും വാട്ട്സ്ആപ്പ് അവതരിപ്പിക്കും.
