08:23 am 25/5/2017
ബോളിവുഡ് സിനിമയിലെ പ്രിയനായകനായിരുന്ന സണ്ണി ഡിയോൾ ഒരിടവേളയ്ക്കുശേഷം തിരിച്ചെത്തുന്നു. സംവിധായകനായാണ് ഇത്തവണ സണ്ണി എത്തുന്നത്.
ആദ്യമായി സംവിധാനം ചെയ്യുന്ന ചിത്രത്തിൽ നായകനാകുന്നത് മകൻ കരണാണ്. ചിത്രത്തിനു പേരുമിട്ടു- പൽ പൽ ദിൽ കേ പാസ്. ഫേസ്ബുക്കിലൂടെയാണ് സണ്ണി തന്റെ മകനെ സിനിമാ ലോകത്ത് അവതരിപ്പിക്കുന്ന വിവരം ആരാധകരെ അറിയിച്ചത്.
മകനൊപ്പമുള്ള ചിത്രങ്ങളും അദ്ദേഹം സമൂഹമാധ്യമങ്ങളിൽ പങ്കുവച്ചു. ധർമേന്ദ്രയുടെ കൊച്ചുമകന് ആശംസകൾ അർപ്പിച്ച് ഋഷി കപൂർ അടക്കം നിരവധി പ്രമുഖർ രംഗത്തെത്തി. സണ്ണിയെ സഹായിക്കാൻ സഹോദരനും അഭിനേതാവുമായ ബോബി ഡിയോളും ഒപ്പമുണ്ട്. മണാലിയിൽ സിനിമയുടെ ചിത്രീകരണം തുടങ്ങിക്കഴിഞ്ഞു.