08: 59 pm 19/08/2016 റിയോ :റിയോ ഒളിംബിക്ക്‌സില്‍ വനിതാ ബാഡ്മിന്റണ്‍ ഫൈനലില്‍ ഇന്ത്യയുടെ പി.വി സിന്ധുവിന വെളളി നേടി. സ്‌പെയിന്‍ താരം കരോലിന മാരിനും തമ്മിലുള്ള പോരാട്ടതിനൊടുവില്‍ പരാജയപ്പെടുകയായിരുന്നു സിന്ധു. ഇഞ്ചോടിഞ്ച് പോരാട്ടമാണ് ഇരുവരും കാഴ്ച വെച്ചത്. ശക്തമായി കളിച്ചു നേടിയ നേട്ടമാണ് സിന്ധുവിന്റെത്. ആദ്യ പാതിയില്‍ ഇന്ത്യയുടെ പ്രതീക്ഷ വര്‍ദ്ധിച്ചിരുന്നു, എന്നാല്‍ രണ്ടാം പാതിയില്‍ കരോലിന തിരിച്ചു പിടിച്ചു. നിരവധി ആരാധകരാണ് ഇരു താരങ്ങളെയും പിന്തുണക്കാനെത്തിയത്.(19-21, 21-12,21-15).

07:33 pm 19/8/2016 മുംബൈ: ബാന്ദ്രയിലെ ബഹുനില കെട്ടിടത്തില്‍ തീപിടുത്തം. ഉച്ചകഴിഞ്ഞാണ് സംഭവം. നാഷണല്‍ കോളജിന് എതിര്‍വശം സ്ഥിതി ചെയ്യുന്ന 10 നില കെട്ടിടത്തിലാണ് അഗ്നിബാധയുണ്ടായത്. എട്ട് യൂണിറ്റ് ഫയര്‍ഫോഴ്‌സ് സംഘമാണ് തീയണയ്ക്കാനുള്ള ശ്രമങ്ങള്‍ക്ക് നേതൃത്വം നല്‍കിയത്. തീപിടുത്തത്തില്‍ ആര്‍ക്കും പൊള്ളലേറ്റിട്ടില്ല. തീപിടുത്തത്തിന്റെ കാരണവും അറിവായിട്ടില്ല. കെട്ടിടത്തിന്റെ മുകള്‍ ഭാഗത്തെ നിലയിലാണ് തീപടര്‍ന്നത്.

07: 30 PM 19/08/2016 ഹൈദരാബാദ്: കഴിഞ്ഞ ദിവസം ദുബൈയിൽ നിന്ന് മനിലയിലേക്ക് പോകുകയായിരുന്ന വിമാനം അടിയന്തിരമായി ഹൈദരാബാദ് രാജീവ് ഗാന്ധി അന്താരാഷ്ട്ര വിമാനത്താവളത്തിലിറക്കി. യാത്രക്കിടെ 32 കാരി കുഞ്ഞിന് ജൻമം നൽകിയതിനാലായിരുന്നു ആ അടിയന്തര ലാൻഡിങ്. സ്വകാര്യ ആശുപത്രിയിൽ ആരോഗ്യവതിയായി കഴിയുന്ന കുഞ്ഞിന് സെബു വിമാനക്കമ്പനി പിറന്നാൾ സമ്മാനം നൽകി. തങ്ങളുടെ വിമാനത്തിൽ വെച്ച് ജനിച്ചതിനാൽ 10 ലക്ഷം മൈൽ സൗജന്യയാത്രയാണ് കമ്പനിയുടെ സമ്മാനം. ആഗസ്റ്റ് 14നാണ് പറക്കുന്ന വിമാനത്തിൽ യാത്രക്കാരി കുഞ്ഞിന് ജന്മം നൽകിയത്. Read more about വിമാനത്തിൽ പ്രസവം: കുഞ്ഞിന് 10 ലക്ഷം മൈൽ സൗജന്യയാത്ര.[…]

01:30 PM 19/8/2016 ചണ്ഡിഗഡ്: ജാട്ട് പ്രക്ഷോഭത്തിനിടെ ഉണ്ടായ അക്രമങ്ങളെക്കുറിച്ചുള്ള അന്വേഷണം സിബിഐക്ക് വിടാന്‍ ഹരിയാന സര്‍ക്കാര്‍ തീരുമാനിച്ചു. റോത്തക്കിലുണ്ടായ അക്രമങ്ങളും സംസ്ഥാന ധനമന്ത്രി ചാപ്ത് അഭിമന്യുവിന്റെ വീടിനു നേരെയുണ്ടായ ആക്രമണവും ഉള്‍പ്പെടെയുള്ളവയുടെ അന്വേഷണം സിബിഐ നടത്തും. ജാട്ട് പ്രക്ഷോഭം ഏറ്റവും അക്രമാസക്തമായത് റോത്തക്കിലാണ്. സംവരണം ആവശ്യപ്പെട്ട് ജാട്ട് സമുദായം ആരംഭിച്ച സമരം അക്രമാസക്തമായതോടെ റോത്തക്കില്‍മാത്രം 30 ജീവന്‍ അപഹരിക്കപ്പെട്ടു. കോടിക്കണക്കിന് രൂപയുടെ നാശനഷ്ടങ്ങളാണ് പ്രക്ഷോഭത്തിലുണ്ടായത്. സര്‍ക്കാര്‍, സ്വകാര്യ സ്ഥാപനങ്ങളും വാഹനങ്ങളും അഗ്നിക്കിരയാക്കപ്പെട്ടിരുന്നു.