01:10 pm 15/12/2016
ന്യൂഡൽഹി: ആക്സിസ് ബാങ്കിന്റെ നോയ്ഡ ശാഖയിൽ ആദായ നികുതി വകുപ്പ് നടത്തിയ റെയ്ഡിൽ 20 വ്യാജ കമ്പനികളുടെ പേരിലുള്ള അക്കൗണ്ടിൽ നിക്ഷേപിച്ച 60 കോടി രൂപ കണ്ടെത്തി. കള്ളപ്പണം വെളുപ്പിക്കാൻ വേണ്ടിയുള്ള ശ്രമമാണ് നടന്നതെന്ന് കരുതുന്നു. നേരത്തെയും ആക്സിസ് ബാങ്കിെൻറ ശാഖകളിൽ ആദായ നികുതി വകുപ്പ് നടത്തിയ പരിശോധനയിൽ ക്രമക്കേട് കണ്ടെത്തിയിരുന്നു.
നവംബർ എട്ടിന് പ്രധാനമന്ത്രി നോട്ട് അസാധുവാക്കിയതുമുതൽ ഇതുവരെ 100 കോടി രൂപയുടെ പഴയ നോട്ടുകൾ വിവിധ അക്കൗണ്ടുകളിൽ നിക്ഷേപിച്ചതായാണ് ആദായ നികുതി വകുപ്പ് നൽകുന്ന സൂചന. നവംബർ 25 ന് ഡൽഹിയിലെ കശ്മീരി ഗേറ്റ് ശാഖയിൽ നടത്തിയ പരിശോധനയിൽ മൂന്നരക്കോടി രൂപയുടെ പുതിയ 2000 രൂപ നോട്ടുകളുമായി രണ്ട് പേർ പിടിയിലായിരുന്നു. ക്രമക്കേടിനെ തുടർന്ന് കശ്മീരി ഗേറ്റ് ശാഖയിലെ ആറ് പേർ അടക്കം 19 ഉദ്യോഗസ്ഥരെ ബാങ്ക് സസ്പെൻഡ് ചെയ്തിരുന്നു.