അമിത്​ഷാ രാജ്യദ്രോഹിയും ഹർദിക്​ പ​േട്ടൽ രാജ്യസ്​നേഹിയുമെന്ന്​ കെജ്രിവാൾ

1:09 pm 17/10/2016
download (4)
അഹമദാബാദ്​: ബി.ജെ.പി ദേശീയ അധ്യക്ഷൻ അമിത്​ഷായെ രൂക്ഷമായി വിമർശിച്ചും പ​േട്ടൽ സമുദായ നേതാവ്​ ഹർദിക്​ പ​​േട്ടലിനെ പ്രശംസിച്ചും ഡൽഹി മുഖ്യമന്ത്രി അരവിന്ദ്​ കെജ്രിവാൾ. അമിത്​ഷാ രാജ്യദ്രോഹിയും ഹർദിക്​ പ​േട്ടൽ രാജ്യസ്​നേഹിയും ആണെന്നും കെജ്രിവാൾ പറഞ്ഞു. 2017 ലെ തെരഞ്ഞെടുപ്പി​െൻറ ഭാഗമായി നടത്തിയ പ്രചരണത്തിൽ സംസാരിക്കുകയായിരുന്നു അദ്ദേഹം.

കോൺഗ്രസും ബി.ജെ.പിയും ഭാര്യ- ഭർത്താവിനെ പോലെയാണ്​ . അവർ രണ്ടു പേരും ​െഎക്യത്തോട്​ കൂടിയാണ്​ കഴിയുന്നതെന്നും കെജ്രിവാൾ കുറ്റപ്പെടുത്തി. തെരഞ്ഞെടുപ്പ്​ കഴിഞ്ഞാൽ ബി.ജെ.പിയും കോൺഗ്രസ​ും ഇല്ലാത്ത നിയമസഭയായിരിക്കും ഉണ്ടാവുക.

ഗുജറാത്തിൽ പാട്ടിദാർ സമുദായത്തെ വേട്ടയാടുകയാണ്​. അവർ ഭീകരവാദികളല്ലെന്നും ഇന്ത്യയുടെ ഭാഗം തന്നെയാണെന്നും അദ്ദേഹം ചൂണ്ടിക്കാട്ടി. പാട്ടിദാർ സമുദായത്തിൽ പെട്ട 14 യുവാക്കൾ പൊലീസ്​ അക്രമണത്തിൽ കൊല്ലപ്പെട്ടിരുന്നു. ഇൗ സംഭവത്തിന്​​ പിന്നിൽ ആരാണെന്ന്​ എല്ലാവർക്കും അറിയാമെന്നും അദ്ദേഹം പറഞ്ഞു. ഹർദിക്​ പ​േട്ടലിനെതിരെ രാജ്യ​ദ്രോഹ കുറ്റം ചുമത്തിയത്​ എന്തിനാണെന്ന്​ അറിയില്ല. പാട്ടിദാർ സമുദായത്തിലെ യുവാക്കളെ കള്ളക്കേസിൽ കുടുക്കി വേട്ടയാടുകയാണ്​. ഇത്​ അംഗീകരിക്കാൻ കഴിയില്ലെന്നും ഇതിനെതിരെ പ്രതിരോധം തീർക്കുക തന്നെ ചെയ്യുമെന്നും അദ്ദേഹം പറഞ്ഞു.