09:13 am 23/6/2017
ഇൻഡോർ: മധ്യപ്രദേശിൽ ആശുപത്രിയിലെ ഓക്സിജൻ വിതരണ സംവിധാനം തകരാറിലായതിനെ തുടർന്ന് 11 രോഗികൾ മരിച്ചു. ഇൻഡോറിലെ എംവൈ ആശുപത്രിയിലാണ് ദുരന്തമുണ്ടായത്. വ്യാഴാഴ്ച പുലർച്ചെ മൂന്നിനും നാലിനും ഇടയിലാണ് ഓക്സിജൻ വിതരണ സംവിധാനത്തിൽ തകരാറുണ്ടായത്. മരിച്ചവരിൽ രണ്ടു പേർ കുട്ടികളാണ്. തകരാർ സംഭവിച്ചതിന്‍റെ കാരണം ദുരൂഹമാണ്. തകരാർ കണ്ടെത്താൻ ആശുപത്രി ജീവനക്കാർക്കു കഴിയാതിരുന്നതാണ് മരണസംഖ്യ ഉയർത്തിയത്.
ഇത്തരം സംഭവങ്ങൾ ആശുപത്രികളിൽ നടക്കാറുള്ളതാണെന്നു ചൂണ്ടിക്കാട്ടി വിഷയത്തെ ലഘൂകരിക്കാൻ ആശുപത്രി അധികൃതർ ശ്രമിച്ചെങ്കിലും ജില്ലാ ഭരണകൂടം വിഷയത്തിൽ അന്വേഷണം പ്രഖ്യാപിച്ചിട്ടുണ്ട്.